Pryniata adpaviednaje rašeńnie Minharvykankama.
Maršrutnaje taksi ŭ Minsku padaražaje. Pra heta paviedamiŭ siońnia na pres‑kanfierencyi ŭ Minharvykankamie načalnik upraŭleńnia cenavaj palityki kamiteta ekanomiki Minharvykankama Iosif Račycki.
«Pryniataje rašeńnie Minharvykankama, jano znachodzicca na ŭzhadnieńni. Miarkuju, u najbližejšy čas ceny na hety vid pasłuh vyrastuć», ‑‑ adznačyŭ Iosif Račycki.
Rost cen moža dasiahnuć 20% [naprykład, z 1850 rubloŭ da 2200 — NN ].
«Ale kožny subjekt haspadarańnia budzie sam vyznačać košt prajezdu, zychodziačy z zatrat. Adnak jana nie pavinna być vyšej za hraničny ŭzrovień. Kali pieravozčyki vyjduć za miežy 20‑pracentnaha rostu koštaŭ, buduć prymacca štrafnyja sankcyi», — skazaŭ načalnik upraŭleńnia.
Pa jaho słovach, rašeńnie pra pavyšeńnie taryfaŭ na maršrutnyja taksi prymałasia adnačasova z rašeńniem ab pavyšeńni taryfaŭ na pieravozku pasažyraŭ hramadskim transpartam.
Nahadajem, što prajezd u hramadskim transparcie Minska padaražaŭ z 1 sakavika. Ciapier košt adnoj pajezdki ŭ aŭtobusie, tramvai, tralejbusie, mietro kaštuje 700 rubloŭ.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu40
Kamientary