Bieły dom pierahladaje pytańnie ab prypynieńni finansavańnia Ukrainy
Pieramovy pamiž ZŠA i Ukrainaj pa pahadnieńni ab karysnych vykapniach praciahvajucca.
U sieradu Bieły dom zajaviŭ, što pierahladaje pytańnie ab prypynieńni finansavańnia Ukrainy, a pieramovy pamiž ZŠA i Ukrainaj pa pahadnieńni ab karysnych vykapniach praciahvajucca, piša «Hołas Amieryki».
«Rada nacyjanalnaj biaśpieki paviedamiła mnie z hetaj nahody, što jany pierahladajuć pytańnie ab finansavańni Ukrainy, ab prypynieńni finansavańnia», — zajaviła žurnalistam pres-sakratarka Biełaha doma Keralin Levit.
Prezident ZŠA Donald Tramp prypyniŭ pastaŭku vajennaj dapamohi Ukrainie pozna ŭviečary ŭ paniadziełak paśla haračaj dyskusii z prezidentam Ukrainy Uładzimiram Zialenskim u Biełym domie na minułym tydni.
U paniadziełak uviečary vysokapastaŭleny pradstaŭnik administracyi prezidenta ZŠA paviedamiŭ karespandentu «Hołasu Amieryki» ŭ Biełym domie ab prypynieńni vajennaj dapamohi Ukrainie.
Donald Tramp zajaviŭ u toj dzień, što Zialenski pavinien vykazvać bolš padziaki za amierykanskuju dapamohu, a taksama admoŭna adreahavaŭ na publikacyju Associated Press, u jakoj była pryviedziena cytata ŭkrainskaha lidara pra toje, što zakančeńnie vajny «vielmi, vielmi daloka».
«Heta najhoršaja zajava, jakuju moh zrabić Zialenski, i Amieryka bolš nie budzie heta ciarpieć!» — napisaŭ Tramp na svajoj płatformie Truth Social.
Adnak užo ŭviečary ŭ aŭtorak padčas svajho zvarotu da Kanhresu ZŠA prezident Donald Tramp paviedamiŭ, što atrymaŭ list ad prezidenta Ukrainy Uładzimira Zialenskaha.
Pavodle słoŭ prezidenta ZŠA, u hetym liście ŭkrainski lidar adznačyŭ, što Kijeŭ «hatovy sieści za stoł pieramoŭ» i što «nichto nie choča miru bolš, čym Ukraina».
Tramp dadaŭ, što ŭ liście Zialenski vykazaŭ padziaku ZŠA za padtrymku i paviedamiŭ pra hatoŭnaść padpisać pahadnieńnie pa redkaziamielnych minierałach.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary