Sierbija adklikała svoj hołas u padtrymku rezalucyi Hienasamblei AAN z asudžeńniem Rasii
Pieršapačatkova Sierbija prahałasavała za rezalucyju, u jakoj Rasija nazyvajecca ahresaram. Prezidentu Sierbii ŭ vyniku daviałosia prasić prabačeńnia.
Sierbija adklikała svoj hołas u padtrymku rezalucyi Hienieralnaj asamblei AAN, jakaja asudžała rasijskaje ŭvarvańnie va Ukrainu.
Ministr zamiežnych spraŭ Sierbii Marka Džuryč paviedamiŭ, što Białhrad źmianiŭ svoj hołas na «ŭstrymaŭsia», piša NIN.
«Naš abaviazak — sačyć za ciapierašniaj situacyjaj, adaptavać pazicyju Sierbii da ŭźnikłych hieapalityčnych źmien. Voś čamu ja liču, što nam varta było ŭstrymacca, i ja nie budu pierakładać adkaznaść za heta na prafiesiju abo siektary.
Palityčnaja adkaznaść lažyć nie na prezidencie, jana ŭ pieršuju čarhu na mnie. I kali chtości pavinien prasić prabačeńnia, dyk heta ja. Tym časam naša misija pry AAN źmianiła svajo rašeńnie na ŭstrymacca ŭ Sakrataryjacie AAN, i heta pakłała kaniec hetamu pytańniu», — zajaviŭ Džuryč.
Hałasavańnie za rezalucyju, padrychtavanuju Ukrainaj i jaje jeŭrapiejskimi sajuźnikami, adbyłosia 24 lutaha. U dakumiencie Rasija charaktaryzujecca jak ahresar. Za prajekt rezalucyi ŭ AAN prahałasavali 93 krainy, suprać — 18, ustrymalisia — 65. Niezvyčajnym u paraŭnańni z papiarednimi hadami było toje, što siarod tych, chto hałasavaŭ suprać, apynulisia ZŠA. U vyniku ŭpieršyniu z 2022 hoda Rasija i ZŠA hałasavali pa pytańni vajny va Ukrainie ŭ AAN adnolkava — suprać rezalucyi z asudžeńniem Rasii.
Inšyja 16 krain, jakija hałasavali suprać — Biełaruś, Burkina-Faso, Burundzi, Vienhryja, Haici, Izrail, KNDR, Mali, Maršałavy astravy, Nihier, Nikarahua, Pałau, Sudan, Centralnaafrykanskaja Respublika, Ekvataryjalnaja Hvinieja, Erytreja.
Paśla hałasavańnia prezident Sierbii Alaksandr Vučyč publična prasiŭ prabačeńnia pierad svaimi hramadzianami. Jon zajaviŭ, što jaho kraina prahałasavała za rezalucyju praz pamyłku. Na vykazvańnie Vučyča adreahavali i ŭ Rasii: pres-sakratar Uładzimira Pucina Dźmitryj Piaskoŭ skazaŭ, što ŭ Kramli «biezumoŭna pačuli i biezumoŭna pryniali» prabačeńni Sierbii.
Alaksandr Vučyč pakajaŭsia, što Sierbija prahałasavała ŭ AAN za rezalucyju z asudžeńniem Rasii
ZŠA hałasavali ŭ AAN pa rezalucyi nakont vajny va Ukrainie razam z Rasijaj i Biełaruśsiu
Łukašenka zaprasiŭ naviedać Biełaruś prezidenta Sierbii
Tramp pasadziŭ Makrona na roh stała. Fota zavirusiłasia ŭ internecie
Tramp nazyvaŭ dyktataram Zialenskaha, ale admoviŭsia nazvać tak Pucina
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary