U Rumynii znoŭ prachodziać prezidenckija vybary. Pieršaja sproba nie ŭdałasia z-za padazreńniaŭ ab rasijskim umiašańni
4 traŭnia ŭ Rumynii prachodzić pieršy tur prezidenckich vybaraŭ. Heta druhaja sproba krainy abrać prezidenta, paśla taho jak u listapadzie minułaha hoda Kanstytucyjny sud admianiŭ vyniki honki, u jakoj pieramahaŭ prarasijski kandydat Kelin Džardžesku.
Ułady Rumynii śćviardžajuć, što majuć raźvieddadzienyja, jakija paćviardžajuć umiašańnie zamiežnych dziaržaŭ, u pryvatnaści Rasii, u chod papiarednich vybaraŭ.
Rumynskaja raźviedka zajaviła, što kraina źjaŭlajecca abjektam «ahresiŭnych» hibrydnych dziejańniaŭ Rasii, u tym liku kibierataki, uciečki infarmacyi i dyviersii.
Na hety raz u vybarach udzielničajuć 11 zarehistravanych kandydataŭ (čaćviora niezaležnyja). Minułym razam pretendentaŭ na prezidenckuju pasadu było 13.
U adsutnaść Kelina Džardžesku, prezidenckija vybary 4 traŭnia nabyli typovy dla Jeŭropy charaktar.
Apytańni hramadskaj dumki staviać na pieršaje miescy Džordže Simijona, staršyniu pravaha i nacyjanalistyčnaha Aljansa za jadnańnie rumynaŭ (Alianța pentru Unirea Românilor).
38-hadovy Simijon, jaki adnosna niadaŭna źjaviŭsia na palityčnaj arenie, vystupaje za abjadnańnie Rumynii i Małdovy. U astatnim jahonyja palityčnyja pohlady blizkija da tych, jakich trymajucca Džordža Miełoni i «Alternatyva dla Hiermanii». Temaj jahonaj mahistarskaj pracy byli «Złačynstvy kamunistyčnaha režymu».
Za vychad u druhi tur zmahajucca taksama dva pravacentryskija kandydaty. Heta Kryn Antaniesku i Nikušor Dan.
Kansiervatara Antaniesku padtrymlivaje ŭradavaja kaalicyja, što składajecca ź levacentrystaŭ sacyjał-demakrataŭ, pravacentrystaŭ z kansiervatyŭnaj Nacyjanał-libieralnaj partyi (NŁP) i partyi vienhierskaj nacyjanalnaj mienšaści. 65-hadovy Antaniesku raniej uvachodziŭ u NŁP i byŭ śpikieram Sienata, jon pravieranaja fihura na rumynskim palityčnym poli.
55-hadovy Dan — prymar, heta značyć mer stalicy krainy, Bucharesta. Dan raniej uznačalvaŭ libieralny Sajuz za ŭratavańnie Rumynii (SUR), adnak na vybary idzie jak niezaležny i antymejnstrymavy kandydat.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?16
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary