Kaśmičny karabiel Starship, raspracavany kampanijaj Iłona Maska SpaceX, vybuchnuŭ nad Indyjskim akijanam padčas svajho dziaviataha vyprabavalnaha zapusku, paviedamlaje Euronews.
Rakieta startavała z bazy Starbase u štacie Techas, ale ŭžo praź niekalki chvilin paśla ŭźlotu pačalisia techničnyja prablemy. Zamiest taho kab ździejśnić zapłanavanaje pryvadnieńnie ŭ Mieksikanskim zalivie, pieršaja stupień rakiety razburyłasia ŭ vyniku vybuchu.
Razhonny błok nie zmoh adkryć svaje dźviery dla zapusku mulažoŭ spadarožnikaŭ Starlink. Pry hetym Starship zdoleŭ pralacieć dalej, čym padčas papiarednich dźviuch sprob, adnak na 45-j chvilinie palotu adbyłasia ŭciečka paliva i kantrol nad aparatam byŭ stračany. Usiaho ž palot pavinien byŭ praciahvacca 66 chvilin.
U SpaceX paćvierdzili, što adbyłasia «chutkaja niezapłanavanaja razborka», što źjaŭlajecca eŭfiemizmam Maska dla akreśleńnia vybuchu. Kamanda praciahnie analizavać danyja i rychtavać nastupnaje vyprabavańnie.
Mask adznačyŭ, što bačyć istotny prahres u paraŭnańni z raniejšymi pratatypami, i zajaviŭ pra namier zapuskać Starship kožnyja 3—4 tydni.
Jon taksama padkreśliŭ, što hetyja vyprabavańni važnyja dla padrychtoŭki da budučaj kałanizacyi Marsa, jakuju płanujecca pačać u 2026 hodzie.
Z papiarednich vaśmi zapuskaŭ tolki čatyry byli ŭdałymi. Choć na ziamli paškodžańni minimalnyja, vybuch 123-mietrovaj rakiety niasie surjoznuju pahrozu. Raniejšyja puski ŭžo pryvodzili da zatrymak avijarejsaŭ i skarhaŭ ad ekołahaŭ, bo kasmadrom znachodzicca pobač z achoŭnymi pryrodnymi zonami.
Niahledziačy na krytyku, u mai Fiederalnaje ŭpraŭleńnie hramadzianskaj avijacyi ZŠA dazvoliła pavialičyć kolkaść štohadovych zapuskaŭ Starship z 5 da 25.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary