Rasija i Ukraina praviali čarhovy abmien ciełami zahinułych vajskoŭcaŭ. Jon išoŭ praź Biełaruś
Z ukrainskaha boku paviedamili, što viarnuli cieły 1212 sałdat, jakija zahinuli padčas bajavych dziejańniaŭ u roznych rehijonach, u tym liku ŭ Charkaŭskaj, Danieckaj i Chiersonskaj abłaściach. Abmien adbyŭsia pry ŭdziele Mižnarodnaha kamiteta Čyrvonaha Kryža.
Rasija pakul atrymała cieły 27 svaich vajskoŭcaŭ. Pa słovach pamočnika Pucina Uładzimira Miadzinskaha, 12 červienia taksama płanujecca «sanitarny abmien» — pieradača ciažka paranienych pałonnych. Abmien adbyvaŭsia na terytoryi Biełarusi.
Cieły zahinułych va Ukrainie dastavili ŭ śpiecyjalnyja ŭstanovy dla praviadzieńnia ekśpiertyzy i identyfikacyi, kab paśla pieradać ich rodnym dla pachavańnia.
U prajekcie «Chaču žyć», jaki dziejničaje pry Kaardynacyjnym štabie Ukrainy, nahadali, što Rasija abvinavaciła Ukrainu ŭ tym, što jana nibyta nie choča zabirať cieły zahinułych. Adnak, jak śćviardžajuć ukraincy, była damoŭlenaść, što viartańnie ciełaŭ pačniecca tolki paśla pieršaha etapu abmienu pałonnych — najpierš ciažkachvorych, paranienych i maładych sałdat da 25 hadoŭ.
U pačatku červienia ŭ Stambule pradstaŭniki Ukrainy i Rasiei damovilisia praciahvać abmien pałonnymi, zasiarodziŭšysia na dźviuch hrupach: ciažkaparanienych i maładych sałdat va ŭzroście ad 18 da 25 hadoŭ. Taksama była dasiahnutaja damoŭlenaść ab pieradačy kala 6000 ciełaŭ zahinułych. Abmieny adbyvajucca na miažy Biełarusi i Ukrainy.
Rasijanie viazuć u Biełaruś tysiačy ciełaŭ zabitych vajskoŭcaŭ dla abmienu
Prajšoŭ druhi etap abmienu rasijska-ŭkrainskaha abmienu vajennapałonnymi. Abmianiali i adnaho biełarusa
Rasija i Ukraina praviali pieršy etap novaha abmienu vajennapałonnymi — uzrostam da 25 hadoŭ
«My znoŭ sutykajemsia z manipulacyjami». Ukraincy adkazali na rasijskija abvinavačvańni ŭ zaciahvańni abmienu ciełami i pałonnymi
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary