Dziaržaŭnaje telebačańnie Irana ranicaj u aŭtorak paviedamiła pra pačatak režymu spynieńnia ahniu ŭ vajennym kanflikcie ź Izrailem.
Ministr zamiežnych spraŭ Irana Abas Arahčy na svajoj staroncy ŭ sacyjalnaj sietcy X abviaściŭ pra toje, što bajavyja dziejańni iranskaj armii spynieny a 4-j ranicy pa miascovym časie.
Niekalki hadzin raniej prezident ZŠA Donald Tramp paviedamiŭ pra toje, što pamiž Izrailem i Iranam była dasiahnuta damoŭlenaść «ab poŭnym spynieńni ahniu». Prezident Tramp dadaŭ, što pahadnieńnie ŭstupić u siłu ŭ bližejšyja hadziny paśla taho, jak abodva baki zavieršać raniej raspačatyja vajennyja apieracyi, nahadvaje Rasijskaja słužba Radyjo Svaboda.
Ranicaj u aŭtorak pradstaŭnik armii abarony Izraila (CACHAŁ) admoviŭsia kamientavać paviedamleńni pra spynieńnie ahniu ŭ toj čas, jak Izrail praciahvaŭ nanosić pavietranyja ŭdary pa celach na terytoryi Irana.
Jak paviedamlaje New York Times, damoŭlenaść pra spynieńnie ahniu była dasiahnuta pry pasiarednictvie Katara, jaki pieradaŭ Iranu amierykanskuju prapanovu pra pieramirje.
Dniom raniej izrailskija pradstaŭniki dali zrazumieć pra mahčymaść chutkaha zaviaršeńnia bajavych dziejańniaŭ suprać Irana. U niadzielu premjer-ministr Izraila Bińjamin Netańjachu zajaviŭ pra toje, što Izrail «vielmi-vielmi blizki» da dasiahnieńnia met vajennaj apieracyi.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary