Kradziež, razboj, zabojstva, jak ekśpiertyzy dapamahli dakazać datyčnaść viaskoŭca da niekalkich złačynstvaŭ
U studzieni ŭ adnoj ź viosak Chocimskaha rajona sacyjalnaja rabotnica, pryjšoŭšy pravieryć svaju padapiečnuju 83-hadovuju babulu, pabačyła žachlivuju karcinu: u domie ŭsio pieraviernuta, a na padłozie — trup haspadyni z nažom u hrudziach.
Pryčynaj śmierci stała vostraja strata kryvi ŭ vyniku koluča-rezanaha ranieńnia hrudnoj kletki.
Jak vyśvietlili, da zabojstva datyčny raniej sudžany 37-hadovy adnaviaskoviec. Napiaredadni jon pryjšoŭ da babuli prasić hrošy ŭ doŭh i, atrymaŭšy admovu, nanios joj niekalki udaraŭ rukami pa hałavie i tułavie.
Abšukaŭšy dom, skraŭ 640 rubloŭ i niekatoryja rečy. U adkaz na słovy haspadyni paviedamić pra ŭsio ŭ milicyju, hość nanios žančynie adzin udar nažom u vobłaść serca i syšoŭ, adnak nieŭzabavie byŭ zatrymany.
U chodzie ahladu doma paciarpiełaj ekśpiert-kryminalist na paštoŭcy znajšoŭ śled padešvy abutku. Pavodle vynikaŭ sudovaha trasałahičnaha daśledavańnia vyznačana, što śled pakinuŭ bot zatrymanaha, paviedamlaje Dziaržaŭny kamitet sudovych ekśpiertyz.
Ekśpierty-bijołahi ŭ pad palcam ruki padazravanaha vyjavili bijałahičny materyjał paciarpiełaj, a na šnurku, jaki jana nasiła na šyi — źmiešvańnie bijamateryjału padazravanaha i paciarpiełaj.
Sudovyja ekśpierty-psichijary vyjavili ŭ padazravanaha psichičny razład, jaki nie ŭpłyvaŭ na jaho zdolnaść uśviedamlać faktyčny charaktar i hramadskuju niebiaśpieku svaich dziejańniaŭ i kiravać imi, a taksama na zdolnaść u poŭnaj miery ŭśviedamlać značeńnie svaich dziejańniaŭ i kiravać imi, u prymusovych mierach biaśpieki i lačeńnia nie maje patreby.
Mužčynu asudzili na 22 hady 1 miesiac z adbyvańniem u papraŭčaj kałonii ŭmovach strohaha režymu sa štrafam 100 bazavych vieličyń (4200 rubloŭ). Prysud nie ŭstupiŭ u zakonnuju siłu.
Kamientary