U Biełarusi spraścili praceduru prodažu tavaraŭ z padvojnymi kodami markiroŭki
Urad i Nacbank pierahledzieli patrabavańni da pracy kasavaha abstalavańnia. Jak paviedamlaje pres-słužba Savieta ministraŭ, adpaviednuju pastanovu padpisali premjer-ministr Alaksandr Turčyn i pieršy namieśnik staršyni praŭleńnia Nacbanka Alaksandr Jahoraŭ.
U paviedamleńni havorycca, što pastanova dazvolić minimizavać uźnikłyja z 1 lipienia składanaści ŭ handlovych abjektach, źviazanyja ź nieabchodnaściu adnačasovaha skanavańnia pry prodažy tavaraŭ naniesienych na ich identyfikacyjnych znakaŭ u vyhladzie liniejnaha štrych-koda (GTIN) i QR-koda. Apošni nanosicca pavodle dziejnaj u krainie sistemy markiroŭki tavaraŭ.
Tak, u zaležnaści ad vidu tavaru, jon moža być pramarkiravany nacyjanalnym QR-kodam abo QR-kodam, što ŭžyvajecca ŭ adpaviednaści ź mižnarodnymi abaviazacielstvami — Pahadnieńniem ab markiroŭcy tavaraŭ srodkami identyfikacyi ŭ Jeŭrazijskim ekanamičnym sajuzie ad 2 lutaha 2018 hoda.
Padpisanaja pastanova dazvolić vyklučyć nieabchodnaść skaniravańnia nacyjanalnaha QR-koda, jakim zaraz markirujecca bolšaść tavaraŭ, u tym liku tavaraŭ paŭsiadzionnaha popytu.
U dačynieńni da tavaraŭ, pramarkiravanych u adpaviednaści z Pahadnieńniem, u bolšaści vypadkaŭ zastaniecca abaviazak pa skanavańni tolki mižnarodnaha QR-koda, bo jon uklučaje ŭ siabie GTIN.
Heta datyčycca małočnaj pradukcyi, abutku, šyn i asobnych tavaraŭ lohkaj pramysłovaści, u tym liku vierchniaha adzieńnia, stałovaha, paścielnaj bializny.
Kamientary