Pucin paśmiarotna ŭznaharodziŭ zahinułaha namieśnika kiraŭnika VMF druhoj «Załatoj zorkaj» Hieroja Rasii
Uładzimir Pucin uznaharodziŭ Hieroja Rasii hienierał-majora Michaiła Hudkova miedalom «Załataja Zorka» paśmiarotna «za mužnaść i hieraizm, prajaŭlenyja padčas vajennaj apieracyi». Hudkoŭ razam ź inšymi rasijskimi aficerami zahinuŭ 2 lipienia ŭ Kurskaj vobłaści ad ukrainskaha rakietnaha ŭdaru.
Hudkoŭ byŭ namieśnikam hałoŭnakamandujučaha Vajenna-marskim fłotam Rasii, adkazvaŭ za kamandavańnie rakietnymi i artyleryjskimi bierahavymi vojskami. Zahinuŭ u Kurskaj vobłaści ŭ vyniku jak minimum čatyroch udaraŭ pa punkcie kiravańnia bryhady.
Zhodna ź nieaficyjnymi paviedamleńniami, tady taksama zahinuli jašče 10 rasijskich aficeraŭ.
Pavodle krynicy «Kommiersanta», ahniavy nalot, padčas jakoha zahinuŭ Hudkoŭ, adbyŭsia padčas pastrajeńnia asabovaha składu.
Pavodle brytanskaj vyviedki, heta ŭžo druhi rasijski hienierał, čyja śmierć paćvierdžana z pačatku 2025 hoda, piaty hienierał za 12 miesiacaŭ i šasnaccaty — z pačatku poŭnamaštabnaj vajny.
Brytancy miarkujuć, što Hudkoŭ niepasredna kamandavaŭ nastupleńniem rasijskich marpiechaŭ u Sumskaj vobłaści.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary
Probiejtie jeho komandirskije zasłuhi i podvihi, jeho izdievatielstvo nad 155 brihadoj morskoj piechoty Rośsii, kohda, etot chieroj Rośsii, ułožił tri ličnych sostava etoj brihady, da jeho šahi po kaŕjernoj lestnicie.