Palicyja Hdańska prakamientavała samazabojstva byłoha vajara Jahora Iśpiańkova
Pres-sakratar kamiendanta haradskoj palicyi polskaha Hdańska prakamientavaŭ telekanału «Biełsat» trahičnaje zdareńnie z hramadzianinam Biełarusi Jahoram Iśpiańkovym, byłym dobraachvotnikam va Ukrainie, bajcom pałka «Pahonia».
«U minuły čaćvier u palicyju patelefanavaŭ mužčyna, jaki paviedamiŭ, što byŭ pabity znajomaj asobaj. Palicyja zaniałasia hetaj spravaj, vyvučajučy naniesienyja cialesnyja paškodžańni i vyśviatlajučy abstaviny zdareńnia.
U minułuju piatnicu, niezadoŭha da 2:00, u palicyju pastupiła paviedamleńnie pra incydent na čyhunačnych puciach, u vyniku jakoha zahinuŭ mužčyna. Na miescy pad kiraŭnictvam prakurora i pry ŭdziele sudova-miedyčnaha ekśpierta palicyjanty śledčaj hrupy praviali ahlad. Palicejski techničny śpiecyjalist sabraŭ dokazy i padrychtavaŭ fotadakumienty. Supracoŭniki znajšli i apytali śviedak.
Z papiarednich vysnoŭ palicejskich vynikaje, što da zdareńnia nie mieli dačynieńnia trecija asoby. Usie materyjały, a taksama chadajnictva ab adkryćci kryminalnaj spravy, pieradadzienyja ŭ prakuraturu», — paviedamiŭ čynoŭnik.
Nahadajem, što Jahor Iśpiańkoŭ, były bajec pałka «Pahonia», skončyŭ žyćcio samahubstvam u noč na 25 lipienia ŭ Hdańsku, kinuŭšysia pad ciahnik. Za dva dni da hetaha jon žorstka zbiŭ i katavaŭ svajho bojfrenda, ź jakim mieŭ kanflikt, paśla čaho źnik, zajaviŭšy, što nie choča trapić u turmu. Jak śćviardžajuć jahonyja znajomyja, Jahor mieŭ psichičnyja prablemy, pakutavaŭ ad depresii i admoviŭsia ad lačeńnia.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik52
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus trapiŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu1717
Kamientary