Dyrektarcy turfirmy, jakaja ŭziała hrošy ŭ 48 klijentaŭ i na try hady źjechała za miažu, vynieśli prysud
Sioleta jaje ekstradavali z Rasii.
Minčanka pracavała ŭ śfiery turyzmu z 2013 hoda, ale ŭ 2019 hodzie ŭ kampanii ŭźnikli ciažkaści, i dla pakupnikoŭ turaŭ pačali źjaŭlacca niečakanyja dapłaty — za vizy, tranśfier, ale ceny ŭsio roŭna zastavalisia pryvabnymi. «Pucioŭki byli tańniejšyja, čym u inšych kampanij», — raskazvali paciarpiełyja klijenty.
Vyśvietliłasia, što žančyna atrymała ad 48 paciarpiełych bolš za 240 tysiač rubloŭ i źjechała za miažu. Praz try hady źjaviłasia infarmacyja, što minčanka znachodzicca na terytoryi Rasii.
Jak paviedamili Onlíner paciarpiełyja turysty, žančynu pryznali vinavataj u machlarstvie, ździejśnienym u asabliva bujnym pamiery (č. 4 art. 209 KK), i dali joj 6 hadoŭ pazbaŭleńnia voli sa štrafam u 350 bazavych vieličyń (heta 14,7 tysiačy rubloŭ).
Kamientary