ZŠA razharnuli dziesiać sučasnych źniščalnikaŭ F-35 na avijabazie ŭ Puerta-Ryka. Imi płanujuć udary pa narkakartelach, jakija dziejničajuć u paŭdniovaj častcy Karybskaha rehijona, piša The Moscow News.
Samaloty pavinny prybyć da kanca nastupnaha tydnia. Heta častka bolš šyrokaj antynarkatyčnaj kampanii administracyi Donalda Trampa, u miežach jakoj u rehijon užo nakiravali siem vajskovych karabloŭ, atamnuju padłodku i bolš za 4,5 tysiačy vajskoŭcaŭ.
Vašynhton śćviardžaje, što dziejańni skiravanyja suprać «narkaterarystyčnych arhanizacyj», ale Vieniesueła ŭsprymaje heta jak pahrozu ŭvarvańnia. Karakas razharnuŭ drony i vajskovyja sudny dla patrulavańnia, a taksama abvinavaciŭ ZŠA ŭ «kryminalnaj i kryvavaj pahrozie». Napružanaść uzrasła paśla taho, jak vieniesuelskija samaloty F-16 pralacieli nad amierykanskim eśmincam, a Pientahon nazvaŭ heta «pravakacyjaj».
Prezident Vieniesueły Nikałas Madura zajaviŭ, što ZŠA sprabujuć damahčysia źmieny ŭłady praz vajennuju pahrozu. Tym časam amierykanski bok abvinavačvaje jaho ŭ kiraŭnictvie «narkadziaržavaj» i prapanuje 50 miljonaŭ dalaraŭ za infarmacyju, jakaja pryviadzie da jaho aryštu.
Napružańnie jašče bolš uzmacniłasia paśla niadaŭniaj ataki ZŠA na łodku, jakaja, pavodle słoŭ Trampa, pieravoziła vialikuju partyju narkotykaŭ ź Vieniesueły. U vyniku zahinuli 11 čałaviek, jakich Vašynhton ličyć členami narkahrupoŭki Tren de Aragua. Adnak nie tolki ŭ Vieniesuele, ale i ŭ susiedniaj Kałumbii hetuju ataku nazvali niezakonnym «zabojstvam».
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Bo fašyzm - heta kali jeŭrapiejčyki ci amierykančyki niešta robiać.