«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy
Užo niekalki dzion niama dakładnaj infarmacyi pra toje, dzie znachodzicca palityk Mikałaj Statkievič. 11 vieraśnia jon byŭ u liku 52 źniavolenych, jakich Alaksandr Łukašenka vypuściŭ z turmaŭ, ale admoviŭsia pakidać Biełaruś. Eks-redaktarka «Novaha času» Aksana Kołb raskazała Deutsche Welle, pra što niekalki chvilin razmaŭlała sa Statkievičam, kali toj znachodziŭsia na pamiežnym pierachodzie.
U toj dzień žurnalistka Aksana Kołb zdoleła datelefanavacca da Mikałaja Statkieviča, kali jon znachodziŭsia na biełaruska-litoŭskaj miažy, kab uhavaryć jaho źjechać u Litvu dziela žonki, Maryny Adamovič.
«Ja sprabavała jaho ŭhavaryć. Za niekatoryja rečy mnie ciapier soramna, bo, ja dumaju, ja rabiła jamu baluča, kali sprabavała nacisnuć na toje, što adčuvaje Maryna», — raspaviadaje Aksana Kołb.
«Jon heta viedaŭ, ja razumieju, jak jamu było baluča słuchać, jon razumieŭ. My razmaŭlali kala dzieviaci chvilin».
Pa słovach Aksany Kołb, palityk raskazaŭ, što ŭ źniavoleńni jon pieranios infarkt, ale jaho hołas hučaŭ jak zvyčajna.
«Ja nie pačuła nijakich źmienaŭ, ja bačyła na kamiery, jak jon schudnieŭ, jak zhorbiŭsia. Pa hołasie zusim ničoha. Jon taki ž rašučy, kazaŭ, što «kali ja zaraz paddamsia, kali prymu ich umovy, to ŭsio majo žyćcio pojdzie pad adchon».
«Sapraŭdy, jon usio žyćcio zmahaŭsia z režymam, jon chacieŭ lepšaha dla krainy, i dla jaho sapraŭdy, syści z apošniaj prystupki, kali zastavałasia krychu, dla jaho nieprymalna», — kaža žurnalistka.
Aksana Kołb kaža, što Statkievič razumieŭ, što kali jon vierniecca ŭ Biełaruś, jon znoŭ apyniecca ŭ turmie.
«I ŭ kancy jon skazaŭ: «Chopić mianie šantažavać, u mianie mała času, ja chaču padychać hetym pavietram, palubavacca hetymi drevami».
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary