Zialenski prapanavaŭ Polščy i Rumynii znajści supolnaje rašeńnie dla baraćby z rasijskimi dronami
«Nie tolki kab dron padaŭ na hałavu ŭkraincam, kab jon nie dalacieŭ da terytoryi Polščy, a kab heta byli rašeńni, jakija prymajucca razam», — skazaŭ prezident Ukrainy.
Zialenski prapanavaŭ Polščy i Rumynii znajści ahulnaje rašeńnie dla baraćby z rasijskimi dronami. Pra heta prezident Ukrainy skazaŭ padčas sustrečy z žurnalistami, piša RBK-Ukraina.
«Nie tolki kab dron padaŭ na hałavu ŭkraincam, kab jon nie dalacieŭ da terytoryi Polščy, a kab heta byli rašeńni, jakija prymajucca razam. Heta značyć, u nas staić SPA — my źbivajem usio, što lacić na nas i lacić na Polšču. I hetak ža Polšča źbivaje samalotami ŭsio, što lacić na ich, i toje, što lacić na nas», — cytuje Zialenskaha vydańnie.
Polšča moža dapamahać abaraniać tolki rehijony zachodniaj častki Ukrainy, skazaŭ prezident Ukrainy. «Ci heta moža być nie tolki Polšča, ale i Rumynija, na inšych my i nie raźličvajem», — dadaŭ Zialenski.
Jon taksama skazaŭ, što harantyi biaśpieki dla Ukrainy patrebnyja raniej, čym budzie zaklučana mahčymaja damova ab zakančeńni vajny. Zialenski dapuściŭ, što finalnaha dakumienta ab zakančeńni vajny moža i nie być.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy8
Kamientary