Tramp zajaviŭ, što jon «u niejkim sensie» pryniaŭ rašeńnie nakont pastavak Ukrainie rakiet Tomahawk
Jak piša ahienctva Reuters, Tramp užyŭ vyraz sort of. Jon pierakładajecca jak «typu», «nakštałt», «u niejkim sensie» i h.d.
Tramp, adkazvajučy ŭ paniadziełak uviečary na pytańni žurnalistaŭ, naŭprost nie skazaŭ, što heta za rašeńnie, ale dadaŭ, što chacieŭ by viedać, dla čaho mienavita Ukraina budzie vykarystoŭvać «Tamahaŭki».
«Ja dumaju, mnie treba daviedacca, što jany buduć ź imi rabić. Kudy jany buduć ich pasyłać? Napeŭna, ja pavinien zadać hetaje pytańnie. Ja nie chaču bačyć ekskałacyju», — skazaŭ prezident ZŠA.
Rakiety Tomahawk majuć dalokaść dziejańnia 1500 milaŭ (bolš za 2400 km) i vahu bojehałoŭki ŭ 450 kh, što pieravyšaje pakazčyki luboj inšaj zbroi, jakuju Ukraina atrymlivała ad sajuźnikaŭ.
Raniej vice-prezydent ZŠA Džej Dzi Vens paviedamiŭ, što ŭ Vašynhtonie abmiarkoŭvajecca mahčymaść pastavak rakiet Tomahawk va Ukrainu, ale kančatkovaje rašeńnie pavinien pryniać prezident Donald Tramp.
Zachodnija ŚMI taksama pisali, što padčas sustrečy na palach Hienieralnaj asamblei AAN prezident Ukrainy Uładzimir Zialenski źviarnuŭsia da Trampa z prośbaj pieradać Ukrainie hetyja rakiety.
Ministr zamiežnych spraŭ Ukrainy Andrej Sibiha paćvierdziŭ, što padčas hetaj sustrečy Zialenski i Tramp abmiarkoŭvali źniaćcie lubych abmiežavańniaŭ na pastaŭki zbroi va Ukrainu.
Sam Zialenski paźniej zajaviŭ, što Ukraina ŭžo maje svaju dalnabojnuju zbroju, zdolnuju adkazvać na ataki Rasii. Tak jon prakamientavaŭ źjaŭleńnie ŭ miedyjach infarmacyi pra nibyta zapyt Ukrainy na atrymańnie rakiet Tomahawk ad ZŠA.
Dniami prezident Rasii Uładzimir Pucin zajaviŭ, što patencyjnaja pieradača Ukrainie dalnabojnych rakiet Tomahawk pryviała b da razbureńnia adnosin pamiž Vašynhtonam i Maskvoj.
«Nijakich zabaronienych miescaŭ nie isnuje». Kiełah kaža, što Tramp dazvoliŭ Ukrainie nanosić dalnabojnyja ŭdary
Vašynhton abmiarkoŭvaje mahčymaść pastavak rakiet Tomahawk inšym krainam NATO dla ich dalejšaj pieradačy Kijevu
Džej Dzi Vens: Rasijanam treba pračnucca i źmirycca z realnaściu. Rašeńnie pra «Tamahaŭki» prymie Tramp
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary
— Donald Tramp
Donald Tramp Ciśnicie dalej, usio jak ŭ 80ch. !