Pradstaŭnik ZŠA pry NATA anansavaŭ pastaŭku Ukrainie zbroi, jakoj jana raniej nie mieła
Pastajanny pradstaŭnik ZŠA pry NATA Mećju Uitakier zajaviŭ, što ŭ Złučanych Štataŭ jość mahutnaja zbroja, jakuju pakul nie pieradavali Ukrainie. Pavodle jaho słoŭ, heta zbroja vałodaje vialikimi mahčymaściami i zdolnaja nanosić surjoznyja ŭdary ŭ vybranym miescy i ŭ patrebny momant.
«U nas jość mahčymaści, jakich ciapier niama na poli boju va Ukrainie. Jany vielmi mahutnyja i mohuć u litaralnym sensie nanieści surjoznyja straty ŭ abranym nami miescy ŭ vybrany nami čas, niekatoryja ź ich buduć patencyjna pieravozicca va Ukrainu dla vykarystańnia», — skazaŭ Mećju Uitakier, vystupajučy na kanfierencyi pa pytańniach biaśpieki ŭ Ryzie.
Raniej vice-prezident Džej Dzi Vens paviedamiŭ, što ŭ ZŠA abmiarkoŭvajecca mahčymaść pieradačy Ukrainie kryłatych rakiet Tomahawk, ale kančatkovaje rašeńnie budzie prymać prezident Donald Tramp.
U Kramli adreahavali na hetyja zajavy. Pres-sakratar prezidenta Rasii Dźmitryj Piaskoŭ adznačyŭ, što ŭ vypadku pieradačy Ukrainie rakiet Tomahawk Rasija adkaža adpaviednym čynam. Sam Uładzimir Pucin paśla dadaŭ, što takija pastaŭki nie źmieniać situacyju na froncie: rasijskija sistemy SPA, maŭlaŭ, užo adaptavalisia da anałahičnych pahroz, jak heta było z rakietami ATACMS.
Pastajanny pradstaŭnik Rasii pry AAN Vasil Niabienzia taksama zajaviŭ, što mahčymyja pastaŭki Tomahawk nie paŭpłyvajuć na chod bajavych dziejańniaŭ, a namieśnik ministra zamiežnych spraŭ Siarhiej Rabkoŭ zaklikaŭ ZŠA ŭzvažana padyści da hetaha rašeńnia, papiaredziŭšy pra surjoznyja nastupstvy, kali amierykanski piersanał budzie niepasredna ŭdzielničać u vykarystańni takoj zbroi.
Tramp zajaviŭ, što jon «u niejkim sensie» pryniaŭ rašeńnie nakont pastavak Ukrainie rakiet Tomahawk
Tramp vośmy raz zajaviŭ, što rasčaravaŭsia ŭ Pucinie
Piekła ŭ Rasii: udary pa naftapierapracoŭcy pahłyblajuć paliŭny kryzis i mianiajuć ujaŭleńni Trampa pra pierśpiektyvy Ukrainy
Zialenski: Paśla majoj sustrečy z Trampam u nas moža źjavicca niešta bolšaje
Kamientary