Duraŭ prajšoŭsia pa Francyi i prapanavaŭ vykupić vykradzienyja z Łuŭra kaštoŭnaści
Zasnavalnik Telegram Pavieł Duraŭ prakamientavaŭ rezanansnaje abrabavańnie Łuŭra i nie staŭ chavać svajho staŭleńnia da francuzskich uładaŭ, jakija zatrymlivali jaho i ciapier rasśledujuć suprać jaho spravu.
«Nikolki nie ździŭleny rabavańniem Łuŭra. Heta jašče adna sumnaja prykmieta zaniapadu kaliści vialikaj krainy, dzie ŭrad daskanała avałodaŭ mastactvam adciahvać uvahu ludziej fantomnymi pahrozami zamiest taho, kab supraćstajać realnym», — napisaŭ Duraŭ u sacsietcy X.
U adkaz na žart u kamientarach adnaho z karystalnikaŭ, što heta jon abrabavaŭ Łuŭr, Duraŭ zajaviŭ, što hatovy vykupić vykradzienyja kaštoŭnaści. Ale, pavodle jaho, u Paryž jon ich nie viernie: «Kuplu vykradzienyja kaštoŭnaści i viarnu ich u Łuŭr. U Abu-Dabi, viadoma. Adtul nichto ničoha nie kradzie».
Adnosiny Durava z francuzskimi ŭładami zastajucca napružanymi paśla taho, jak 24 žniŭnia 2024 hoda jon byŭ zatrymany ŭ Paryžy. Jaho abvinavacili ŭ niedastatkovym supraćdziejańni raspaŭsiudžvańniu praz Telegram złačynnaha kantentu i admovie supracoŭničać z pravaachoŭnymi orhanami. Praź niekalki dzion jaho vypuścili pad zakład u 5 miljonaŭ jeŭra. Sprava Durava ŭsio jašče rasśledujecca.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary