«U palakaŭ usio hatova». Što kažuć pra mahčymaje adkryćcio «Bruzhoŭ» i «Bierastavicy»?
Polski premjer Donald Tusk zahavaryŭ pra mahčymaje adkryćcio dvuch punktaŭ propusku na miažy ź Biełaruśsiu. Pra takuju mahčymaść kazali i polskija mytniki.
«My budziem hatovyja jašče sioleta, skažu bolš, jašče ŭ listapadzie, adkryć dva pamiežnyja pierachody, u Babroŭnikach i Kuźnicy», — zajaviŭ Donald Tusk, vystupajučy na Forumie zhurtavanaści i pamiežnaha raźvićcia ES.
Mahčymaj dataj adkryćcia hetych punktaŭ propusku moža stać 1 listapada. Takuju infarmacyju dniami atrymaŭ čałaviek, jaki mieŭ pryvatnyja kantakty z polskim mytnikam.
Ź jaho słoŭ, mytnik paviedamiŭ, što ŭ «Kuźnicy» («Bruzhi» ź biełaruskaha boku) usio hatova dla adkryćcia. Mytnik skazaŭ, što papiarednie adnaŭleńnie pracy zapłanavana na 15:00 1 listapada.
Polšča raniej nieadnarazova adkryta kazała pra ŭmovy, pry jakich moža adnavić pracu začynienych punktaŭ propusku. Tak, naprykład, «Babroŭniki — Bierastavica» začynili ŭ adkaz na prysud žurnalistu i aktyvistu Sajuza palakaŭ Andžeju Pačobutu.
Punkt propusku zakryty z 10 lutaha 2023 hodu. Pieršy vyrazny sihnał pra toje, što Polšča adnović pracu ŭ «Babroŭnikach», jak tolki Pačobut vyjdzie na volu, prahučaŭ jašče ŭ sakaviku 2023 hoda.
«Biełaruski bok maje poŭnuju jasnaść u hetym pytańni. Kali Andrej Pačobut zaŭtra budzie vyzvaleny, paślazaŭtra budzie adkryty prachod u Babroŭnikach», — kazaŭ kiraŭnik MUS Polščy Maryjuš Kamiński
Letam 2024 hoda pra toje samaje kazaŭ kiraŭnik polskaha MZS Radasłaŭ Sikorski. «Data adkryćcia pamiežnych pierachodaŭ pamiž Polščaj i Biełaruśsiu zaležyć ad taho, jak doŭha Andžej Pačobut budzie znachodzicca ŭ turmie».
Što da «Bruzhoŭ», to ich zakryli jašče 9 listapada 2021 hoda, kali biełaruski bok dazvoliŭ mihrantam šturmavać punkt propusku «Kuźnica».
Tamu vyrašeńnie prablemy ź mihrantami źjaŭlajecca druhim punktam, pra jaki palaki taksama adkryta kazali, kali išła razmova pra adnaŭleńnie pracy dvuch pierachodaŭ u Hrodzienskaj vobłaści.
Zhodna z danymi polskaha boku, mihranty nie pierastali sprabavać niezakonna trapić u Polšču, ale kolkaść takich sprob, jakija fiksujuć polskija słužby, apošnim časam sapraŭdy źmienšyłasia.
Kali jašče ŭ pieršaj pałovie vieraśnia fiksavali kala 100 sprob, to apošnimi dniami nie dachodziła i da 50.
Naprykład, 13 kastryčnika było 35, 22‑ha — 48, 24‑ha — 18, 26‑ha — 28, a ŭčora — 20 sprob.
Treciaj umovaj nazyvajuć supracoŭnictva ŭ spravie ab zabojstvie na miažy polskaha siaržanta Matevuša Siteka, učynienym 28 traŭnia 2024 hoda.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary
"«My budziem hatovyja jašče sioleta, skažu bolš, jašče ŭ listapadzie, adkryć dva pamiežnyja pierachody, u Babroŭnikach i Kuźnicy», — zajaviŭ Donald Tusk, "
cudoŭna !!! a maskoŭcy kazali zaŭtra Bierlin, Miensk i Vašynhton. Impieryja Ramanavych 🇷🇺 — zdochła , impieryja balšavikoŭ — zdochła , Nikoli dva biez troch: impieryja Sadama Putsejna 🇷🇺 pojdzie śledam!
ok, a jak Łukašenka ich spynić, kali ich maskva dasyłaje ? dzie RB adšukać resursy dziela supracivu drapiežnaj impieryi ? , kali miežy začynieny i Biełarus nad tatalnymi sankcyjami , uvieś handal z žachlivaj , despatyčnaj afra- azijej . Treba hulać z Łukšenakami jak hulali z Tito, tady nie budzie mihrantaŭ na miažy