Žančyna nabyła spartyŭny kaścium biełaruskaha brendu za 600 rubloŭ i ŭ šoku ad jakaści
«Paśla prymierki stajała jak jalinka — usia ŭ bardovych katyškach».
Pra niepryjemnuju historyju biełaruska Natalla raskazała ŭ Threads. Jana vyrašyła nabyć sabie kaścium z načosam biełaruskaha brenda Uno mas Uno. Kaštavaŭ toj nie skazać kab biudžetna — 590 rubloŭ.
Pieršyja sumnievy nakont jakaści ŭźnikli jašče padčas prymierki ŭ kramie. Natallu zasmuciła toje, što jana, paśla taho jak źniała džohiery i śvitšot, stajała «jak jalinka — usia ŭ bardovych katyškach». Ale kansultantka zapeŭniła, što ŭsio dobra. Maŭlaŭ, dva razy pamyjecie kaścium — i ŭsio projdzie. Žančyna i pavieryła.
Na žal, parada nie dapamahła. Natalla kaža, što myła ŭžo nie raz i nie dva, ale ž vynik žudasny:
— Usia prałka, usia vanna i kvatera ŭ katyškach z kaściuma.
Rasčaravanaja klijentka napisała zasnavalnicy brenda i dadała fota vanny, u jakoj sapraŭdy šmat katyškaŭ. Taja adkazała tolki, što budzie vyśviatlać, u čym prablema, ale dadała, što pastaŭščykoŭ jany nie mianiajuć i zaŭsiody pracujuć tolki z pravieranymi.
Pakupnicu taki adkaz pakryŭdziŭ, bo jana ličyć siabie pastajannaj i łajalnaj klijentkaj brenda. Ale paśla publikacyi historyi situacyja hłabalna nie źmianiłasia — zasnavalnica brenda napisała tolki z patrabavańniem vydalić dopis i skrynšot pierapiski.
Sama ž Natalla zadajecca pytańniem, čamu za takuju jakaść prosiać stolki hrošaj.
Brend Uno mas Uno stvaryli ŭ 2019 hodzie stylistki Julija Miednik i Taćciana Łaŭrenava. Jany vyrašyli šyć adzieńnie aviersajz, bo abiedźvie sutykalisia ź nieabchodnaściu pierašyvać rečy paśla kupli. Tradycyjna adzieńnie Uno mas Uno jarkich koleraŭ.
Darečy, historyja Natalli nie pieršaja, kali biełaruski skardziacca na jakaść ajčynnych darahich brendaŭ. Niadaŭna błohierka Kryścina Džuńko, stvaralnica instahram-błoha «Tiažiołyj Marks», raspaviała pra darahoje palito The Inka, jakoje sapsavałasia paśla 20‑chvilinnaha špacyru pry vysokaj vilhotnaści (navat nie pad daždžom). Tady stvaralnica brenda adkazała, byccam ich palito nielha nasić, kali na vulicy nie vielmi sucha. Ale ŭ vyniku Kryścina zmahła zdać sapsavanuju vopratku i viarnuć za jaje hrošy.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami11
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4747
Kamientary