Razynka druhoha «Žaleznaha čałavieka» — kałmaty Miki Rurk u butyrskich nakołkach i z łazernymi puhami ŭ rukoch.
ZŠA, 2010, kalarovy, 124 chv.
Režysior: Džon Favro
Roli vykonvajuć: Robiert Daŭni-małodšy, Miki Rurk, Hvinet Pełtraŭ, Skarlet Jochansan, Sem Rokueł, Semueł Ł.Džeksan
Žanr: Komiks pavodle tvoraŭ kampanii «Marveł»
Adznaka:4,5 (z 10)
Multymilijarder Toni Stark raskryvaje ŭsiamu śvietu, što Žalezny čałaviek — heta jon. Hieroj viała adbivajecca ad sienackaj kamisii, što sprabuje prysabiečyć jahonaje vynachodnictva dyj nudzicca, biez ahańku achoŭvajučy śviet. Ale niečakana źjaŭlajecca novy niahodnik — ruski bomž-fizik z łazernymi puhami (Miki Rurk), jaki maryć adpomścić Starku za źniaviečanaje dziacinstva.
Amieryka dasiahnuła piku svajho raźvićcia. Vorahi źnikli, albo razhromlenyja.
Komiksavy mahnat — płoć ad płoci hłabalisckaha mifu, technakratyčny supierhieroj — niepierakanaŭča pakutuje ad ekzistencyjnaj pustečy dyj tašnuje ad ułasnaha narcysizmu.Kudy iści dalej, navošta ŭsio heta? Ani hieroj, ani stvaralniki hetaha nie viedajuć. Nie viedaje i sakratarka (Hvinet Pełtraŭ), uźvialičanaja da hienieralnaha dyrektara. I navat seksapilnaja ahientka Ramanaf (Skarlet Jochansan) adkazu nie maje.
I tolki supierniahodnik zdolny viarnuć komiksu komiksava.
Miki Rurk — z doŭha-kałmatymi vałasami «Barca» i nakołkami ruskaj Butyrki — šykoŭny piersanaž.Žaleznyja fiksy, zubačystka ŭ vuhłach irta, papuhaj na plačy, bandycki pozirk i hienijalnyja zdolnaści fizika — samaje toje dla krutoha mačyłava i lohkaj ironii. Mienavita źjaŭleńnie ruskaha bamža-voraha j apraŭdvaje karcinu. Padletki ŭpadabajuć taksama chareahrafičnyja finty Skarlet Jochansan, abciahnutaj u čorny łateks dyj finalnuju stralaninu stalovych chłopcaŭ.
Ale ŭ sercy žaleznaha komiksu ŭžo atabaryłasia nuda.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary