Madura prapanavaŭ pajści ŭ adstaŭku ciaham dvuch-troch hadoŭ. Bieły dom patrabuje syści nieadkładna
Prezident Vieniesueły Nikałas Madura prapanavaŭ ZŠA pajści ŭ adstaŭku na praciahu dvuch-trochhadovaha pierachodnaha pieryjadu, jon vyłučyŭ hetuju ideju padčas nieaficyjnych pieramovaŭ, piša The New York Times sa spasyłkaj na krynicy.
Bieły dom adchiliŭ jaho prapanovu i zapatrabavaŭ nieadkładna pakinuć pasadu.
Na minułym tydni prezident ZŠA Donald Tramp pravioŭ dźvie sustrečy sa starejšymi savietnikami ŭ Situacyjnym pakoi Biełaha doma, na jakich abmiarkoŭvalisia situacyja ŭ Vieniesuele i varyjanty dziejańniaŭ.
Tramp daručyŭ CRU padrychtavać płany niekalkich sakretnych apieracyj na terytoryi Vieniesueły, a taksama pačaŭ sakretnyja pieramovy z uradam Vieniesueły, prypynienyja ŭ minułym miesiacy.
Madura kiruje Vieniesuełaj z 2013 hoda.
U 2024 hodzie ŭ Vieniesuele prajšli vybary, jakija aficyjna vyjhraŭ Nikałas Madura, ale apazicyja śćviardžaje, što bolšaść hałasoŭ była addanaja za jahonaha apanienta Edmunda Hansalesa. ZŠA nie pryznali vyniki vybaraŭ i ličać Maduru nielehitymnym.
Prezident i niekatoryja vysokapastaŭlenyja čynoŭniki Vieniesueły abvinavačvajucca ŭ ZŠA ŭ admyvańni hrošaj i kantrabandzie narkotykaŭ. U lipieni Minfin ZŠA abvinavaciŭ Madura ŭ kiraŭnictvie vieniesuelskim kartelem Cártel de los Soles i pryznaŭ jaho terarystyčnaj arhanizacyjaj.
Situacyju abvastryli niadaŭnija miery Trampa, u tym liku departacyi sotniaŭ vieniesuelcaŭ u 2025 hodzie, bolšaść ź jakich abvinavačvalisia ŭ prynaležnaści da bandy Tren de Aragua. Usiaho ź lutaha ZŠA departavali kala 8000 vieniesuelcaŭ.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Kamientary
Pracuje, sto adsotkaŭ.