«Šato de Pakiet»: u sacsietkach žartujuć z taho, što «Biełavija» pačała nalivać na rejsach nieprystojna tannaje vino
«Doŭhačakanaja navina dla ŭsich biełarusaŭ. Na borcie «Biełavija» pačali biaspłatna padavać ałkahol», — padzialiŭsia radaściu ŭ instahramie fitnes-trenier Vital Mitkoŭski.
Vital padkreśliŭ, što lataje davoli časta, ale takuju ščodraść ad avijakampanii bačyć upieršyniu. Lacieŭ trenier hetym razam na Šry-Łanku. Kaža, što novaŭviadzieńnie tyčycca doŭhich rejsaŭ u Aziju.
Jon ža pakazaŭ, jaki ałkahol prapanoŭvali ściuardesy. Heta było tannaje vino ŭ pakiecie ad «Minskaha zavoda pienistych vin» — biełaje suchoje i čyrvonaje paŭsuchoje Arta Vinia. Kamientatary dadali, što kaštuje takoje ŭ biełaruskich kramach kala 8 rubloŭ za litr.
Rolik užo nabraŭ bolš za 185 tysiač prahladaŭ. U kamientaryjach narod złujecca praz toje, što ałkahol u pryncypie dazvalajuć pić padčas palotu. Chtości piša pra nizkuju jakaść napojaŭ, jakija ŭ Biełarusi nazyvajuć vinom.
Niechta aburyŭsia tym, što z ulikam cen na kvitki ŭ «Biełavija» prapanovy mahli b być i lepšyja: «Z takimi cenami za kvitki akramia vina jašče masaž paviny rabić prosta ŭ palocie i Saładucha pavinien śpiavać u prachodzie». Ale Vital nie pahadziŭsia: jon ličyć, što 700—800 dalaraŭ na čałavieka za kvitok na Šry-Łanku i nazad — heta pryjemnaja cana.
Ale šmat chto pabačyŭ u navinie dobruju nahodu dla žartaŭ.
«Šato de Pakiet».
«Vybačajusia, a «Kryžačok» płanujuć dadavać u mieniu? A to hety bukiet zanadta vytančany dla mianie».
Sam Vital kaža, što pradbačliva nabyŭ narmalny ałkahol u dźjuci-fry, ale biełaruskim vinom skarystaŭsia, kab «uspomnić maładość i panastalhiravać».
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary