Tramp zahadaŭ uvieści «poŭnuju i kančatkovuju» błakadu ŭsich tankieraŭ, jakija zachodziać u Vieniesuełu
Prezident ZŠA Donald Tramp zahadaŭ uvieści poŭnuju i kančatkovuju marskuju błakadu ŭsich naftavych tankieraŭ, jakija znachodziacca pad sankcyjami i zachodziać u Vieniesuełu abo vychodziać ź jaje. Ułady Vieniesueły rezka asudzili hetaje rašeńnie, zajaviŭšy, što Vašynhton faktyčna raspalvaje vajnu, piša Bi-bi-si.
Tramp śćviardžaje, što ŭrad prezidenta Vieniesueły Nikałasa Madura pryznany zamiežnaj terarystyčnaj arhanizacyjaj, jakuju jon abvinavačvaje ŭ narkatrafiku, handli ludźmi i inšych złačynstvach. Zajava prahučała paśla taho, jak ZŠA niadaŭna zachapili vieniesuelski naftavy tankier kala bierahoŭ krainy, što stała surjoznym udaram dla dziaržavy, ekanomika jakoj mocna zaležyć ad ekspartu nafty.
Akramia hetaha, ZŠA nanieśli ŭdary pa sudnach, jakija, pavodle ich źviestak, zajmalisia kantrabandaj narkotykaŭ, i istotna ŭzmacnili svaju vajskovuju prysutnaść u rehijonie. Pry hetym Tramp nie patłumačyŭ, jak mienavita budzie realizavanaja maštabnaja błakada.
Pavodle niezaležnych danych, bolš za tracina sudnaŭ, jakija znachodzilisia ŭ vieniesuelskich vodach abo nakiroŭvalisia tudy, užo byli pad sankcyjami ZŠA. Paśla zachopu tankiera Vašynhton uvioŭ novyja abmiežavańni suprać sudnaŭ, źviazanych ź pieravozkaj vieniesuelskaj nafty, a taksama suprać svajakoŭ Madura i kampanij, jakija, na dumku ZŠA, padtrymlivajuć nielehitymny režym.
Tramp taksama zajaviŭ, što Vieniesueła akružanaja biesprecedentnaj vajskova-marskoj hrupoŭkaj, jakaja budzie tolki pavialičvacca. Jon abvinavaciŭ ułady krainy ŭ vykarystańni «skradzienaj» nafty dla finansavańnia złačynnaj dziejnaści, uklučajučy narkateraryzm i handal ludźmi.
Raniej ZŠA aficyjna pryznali vieniesuelskuju hrupoŭku «Kartel de łos Soles» terarystyčnaj, što faktyčna zakranuła i samoha Madura, jakoha ličać jaje lidaram. Karakas u adkaz abvinavaciŭ Vašynhton u sprobie zavałodać vieniesuelskimi pryrodnymi resursami.
Napružanaść u Karybskim mory praciahvaje raści. ZŠA ściahnuli tudy tysiačy vajskoŭcaŭ, u tym liku avijanosiec USS Gerald Ford. Niekatoryja amierykanskija palityki, u pryvatnaści kanhresmien Chaakin Kastra, zajavili, što marskaja błakada źjaŭlajecca faktyčnym aktam vajny, i Kanhres maje namier razhledzieć pytańnie ab spynieńni vajennych dziejańniaŭ suprać Vieniesueły.
ZŠA na praciahu mnohich hadoŭ vystupajuć suprać urada Madura, uvodziačy žorstkija sankcyi i staviačy pad sumnieŭ lehitymnaść jaho ŭłady. Mižnarodnaja supolnaść i vieniesuelskaja apazicyja nieadnarazova abvinavačvali jaho režym u parušeńni pravoŭ čałavieka i falsifikacyi vybaraŭ.
Łukašenka ŭhavorvaje amierykancaŭ nie bambić fłot narkamafii, a damaŭlacca
Łukašenka prapanavaŭ siabie ŭ pasiaredniki miž Trampam i Madura
ZŠA nieŭzabavie pačnuć naziemnyja ŭdary pa abjektach narkakartelaŭ u Vieniesuele
«Madura zastaŭsia zusim adzin». Ci pryjduć na dapamohu Vieniesuele jaje šmathadovyja sajuźniki?
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
"Tramp zahadaŭ uvieści «poŭnuju i kančatkovuju» błakadu ŭsich tankieraŭ, jakija zachodziać u Vieniesuełu"