Ikra, vuhor i narviežski łasoś. U Minsku adkryłasia fłahmanskaja krama morapraduktaŭ FOTA
Sietka «Čaćvier» adkryła fłahmanskuju kramu ŭ staličnaj Malinaŭcy. Vitryny vydzieleny pad achałodžany narviežski łasoś, smažany vuhor, roznyja vidy ikry, hrabieńčyki i sinija midyi. Z ułasnaj vytvorčaści padajuć rybnyja pielmieni, tefteli i boršč ź vielizarnym kavałkam siomhi, piša Onliner.
Fišmarkiet zaniaŭ častku płoščaŭ u HC Green (były «Vitalur») niedaloka ad stancyi mietro «Malinaŭka».
Asnoŭnaja vitryna łomicca ad čyrvonaj i čornaj ikry, u tym liku adbornaj — ad 20‑hadovych asiatroŭ. Pobač vykładziena čyrvonaja ryba — jak salonaja, tak i vendžanaja.
Ź joj susiedničaje vitryna z achałodžanaj rybaj — sibasam, daradaj i farellu, jakaja prylacieła z Narviehii. Tut ža miascovy ekskluziŭ — hałandski sieladziec «Maćje». Majstry «Čaćviarha» jaho sami čyściać, raźbirajuć i solać.
Zboku vystrailisia chaładzilniki z zamarožanaj rybaj i morapraduktami. Tut «vodziacca» vialikija krevietki, kalmary, vaśminohi, hrabieńčyki ŭ rakavinkach, sinija i čornyja midyi. Jość taksama słajsy pad karpača, smažany vuhor, miedaljony i stejki z tunca.
Asobnaja siekcyja vydzielena pad rybnyja paŭfabrykaty: pielmieni, pałački, tefteli z fareli, fišboły i midyi ŭ marynadzie. Siarod supoŭ — tom kcha, tom jam z morapraduktami i boršč ź vielizarnym kavałkam fareli. Ź niezvyčajnaha — file mintaja pad syram.
Ceny takija: achałodžany narviežski łasoś — 49,9 rubla za kh, hałandski sieladziec «Maćje» — 41,9, sinija midyi — 26, kalmary — 25, hrabieńčyki — 35. Blašanka ikry harbušy abydziecca na 48,5 rubla za 100 h. Supy z porcyjami na dvaich startujuć ad 19,8 rubla, pałački ź mintaja — 12,9, a fišboły — 14,49.
U kramie pracujuć fišmonhiery. Ich možna paprasić biaspłatna pačyścić i razabrać rybu. Łasoś tut ža razrežuć na file abo stejki.
-
Što z vyjezdam ź Biełarusi ŭ ES hetym letam?
-
Vice-hubiernatar Homielščyny pra incydent pad Branskam: Pieravozčyki vybrali niebiaśpiečny maršrut praktyčna ŭ pryfrantavoj zonie
-
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
ŭ rakuškach -- ŭ rakAVINKach,[Red. — Dziakuj, vypravili]
[Zredahavana]