Tramp zarepościŭ artykuł «Pustasłoŭje Pucina pra «ŭdar» pa im pakazvaje, što mienavita Rasija staić na pieraškodzie miru»

Nastroj byŭ strymana aptymistyčnym, kali Uładzimir Zialenski pakinuŭ Mar-a-Łaha paśla sustrečy ŭ niadzielu. Prezident Ukrainy pajšoŭ na kampramis pa mnohich punktach mirnaha płana, a prezident Tramp skazaŭ, što hatovy pryjechać va Ukrainu, kab łabiravać terytaryjalnyja sastupki ŭ parłamiencie. Kaniec razburalnaj vajny «bližej, čym kali-niebudź raniej», — skazaŭ Tramp.

Pavialičyć

Zamiest hetaha rasijski dyktatar Uładzimir Pucin pa kamandzie abraŭ chłuśniu, nianaviść i śmierć. Pucin abviaściŭ, što ŭkraincy zapuścili drony, kab zabić jaho ŭ adnoj ź jahonych ekstravahantnych rezidencyj. Praz heta ŭ rasijan nie zastałosia vybaru, akramia jak być «bolš žorstkimi», — pryhraziŭ pres-sakratar Piaskoŭ.

Toje, što ŭdary pa vakolicach rezidencyi Pucina, jaki amal čatyry hady viadzie žorstkuju vajnu, vyklikajuć u jaho asablivy hnieŭ, kaža pra mnohaje.

Rasija zapuściła na Kalady 131 dron i zabiła siem cyvilnych asob. Cyvilnych. Kreml śpiecyjalna celić u kvatery i elektrastancyi, kab pakarać zvyčajnych ukraincaŭ.

Rasijanie vykradajuć dziaciej. Jany katujuć i karajuć śmierciu źniavolenych. Bolš taho, Maskva nieadnarazova sprabavała zabić Zialenskaha. Luby ŭdar pa Pucinu bolš čym apraŭdany.

Dy voś niestykoŭka: vierahodna, nijakaha ŭdaru dronaŭ nie było. Zialenski rašuča abvierhnuŭ heta. Piaskoŭ skazaŭ, što rasijanam nie abaviazkova davać dokazy i zaklikaŭ vieryć Kramlu na słova. Nie, my nie budziem.

Usia vajna Pucina — heta chłuśnia, usia hetaja «SVA», kab «denacyfikavać krainu», jakoj nie kirujuć nacysty. Prydumanyja i prycharošanyja naratyvy dajuć Pucinu apraŭdańnie, kab adkinuć dasiahnuty Trampam prahres.

Jak i ŭ Alascy, Pucinu byŭ prapanavany mir, zamiest hetaha jon plunuŭ Amierycy ŭ vočy. Uładzimir Pucin — nie sumlenny brokier, jon nie bačyć ni zdarovaha sensu, ni biznes-mahčymaściaŭ.

Pahladzicie za miežy Ukrainy. Rasija doŭha padtrymlivała Iran i na hetym tydni zapuściła try spadarožniki dla režymu ajatołaŭ. Pucin padtrymlivaje karumpavany i robiačy narkatrafik režym Madura ŭ Vieniesuele. A niadaŭnija rasśledavańni vyjavili, što rasijskaje sudna cieniavoha fłotu, patoplenaje kala bierahoŭ Ispanii letaś, pieravoziła jadziernyja kampanienty ŭ Paŭnočnuju Kareju.

Adkazam pavinny być nie vialikija sastupki, a vialikaja dubinka. Kijeŭ zrabiŭ svaju častku. Adkaznaść pavinna być uskładziena na Pucina: albo jon zrobić krok nasustrač, albo sutykniecca z bolš žorstkimi sankcyjami i bolš śmiarotnaj zbrojaj dla Ukrainy.

Niahledziačy na svoj supraciŭ, dziejańni Pucina vyklikajuć paharšeńnie ŭnutranaj situacyi. Jahonaja ekanomika stahnuje. Jaho prapahanda mitusicca ŭ toj čas, jak rasijskija sałdaty viartajucca biez kaniečnaściaŭ. Jaho pieramoha nie niepaźbiežnaja. Pazbaŭcie nas ad jahonych krakadziłavych śloz i paddajcie žaru.

• 30
• 0
• 2
• 0
• 0
• 0
• 0
• 0