Sinoptyk Dźmitryj Rabaŭ u efiry telekanała ANT paviedamiŭ, što na tydni z 12 da 18 studzienia ŭ Biełarusi čakajecca vielmi chałodnaje nadvorje, a zima «jašče dadaść emocyj».
Sa słoŭ sinoptyka, siaredniaja tempieratura budzie na 8—10 hradusaŭ nižejšaja za klimatyčnuju normu dla studzienia. Marazy buduć uzmacniacca, situacyju pahoršać paryvisty viecier i vysokaja vilhotnaść, tamu pa adčuvańniach choład stanie asabliva mocnym.
Pačatak tydnia budzie źviazany z pastupleńniem arktyčnaha pavietra. Miescami mahčymy nievialiki karotkačasovy śnieh, słabyja hałalod i hałalodzica na darohach. Unačy tempieratura apuścicca da −13…−20 hradusaŭ, a pry prajaśnieńniach — da −23…−27. Dniom 12 studzienia čakajecca ad −4 na paŭdniovym zachadzie da −15 na paŭnočnym uschodzie, 13 studzienia — ad −7 da −15.
U siaredzinie tydnia nadvorje istotna nie źmienicca: na Biełaruś budzie ŭpłyvać chałodny antycykłon sa Skandynavii. Jon pryniasie pieramiennuju vobłačnaść, hałalodzicu i, mahčyma, nievialiki śnieh. Viecier zastaniecca ŭschodni i paŭnočna-ŭschodni, paryvisty. Unačy ŭ sieradu prahnazujecca −17…−25, dniom — ad −6 da −13 hradusaŭ.
U druhoj pałovie tydnia ŭ bolšaści rehijonaŭ zachavajecca ŭpłyŭ chałodnaha i vilhotnaha paŭnočnaha pavietra biez značnych apadkaŭ. Čakajucca słaby tuman, hałalod i ślizkija darohi. Unačy tempieratura znoŭ budzie ŭ miežach −17…−25, ale na zachadzie stanie ciaplej — ad 0 da −7. Dniom 15 studzienia — ad +1 u Breście da −16 u Viciebsku, 16 studzienia — ad +1 na paŭdniovym zachadzie da −20 na paŭnočnym uschodzie.
Na vychadnych, 17 i 18 studzienia, nadvorje pačnie mianiacca pad uździejańniem atmaśfiernych frantoŭ z zachadu. Marazy pastupova asłabnuć. Mahčymy karotkačasovy śnieh, ranicaj — tuman. Unačy čakajecca −6…−12, udzień 17 studzienia — ad +1 u Breście da −14 u Viciebsku, a 18 studzienia — ad +1 u paŭdniova-zachodnich rajonach da −10 u paŭnočna-ŭschodnich.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik47
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu99
Kamientary