Biełarusa, jaki špurnuŭ dvuchhadovaha chłopčyka ab ziamlu ŭ aeraporcie «Šaramiećcieva», mohuć adpravić na prymusovaje lačeńnie
23 červienia ŭ maskoŭskim aeraporcie «Šaramiećcieva» Uładzimir Vicikaŭ, znachodziačysia ŭ stanie narkatyčnaha apjanieńnia, schapiŭ nieznajomaje dvuhadovaje dzicia i ź siłaj kinuŭ jaho na padłohu.
— Pa hetaj spravie rasśledavańnie dniami było zavieršana, — raskazała pradstaŭnik SK pa Maskoŭskaj vobłaści Volha Uradzij. — U chodzie śledstva praviedziena bolš za 20 dopytaŭ, atrymanyja zaklučeńni sudovych ekśpiertyz. Ustanoŭlena, što pierad vyletam u Rasiju fihurant užyŭ narkatyčnaje rečyva. Vidavočna, heta pahoršyła jaho chvaravity stan.
«Pakolki ŭ dalejšym kompleksnaja psichołaha-psichijatryčnaja ekśpiertyza pakazała, što fihurant nie moh uśviedamlać faktyčny charaktar i hramadskuju niebiaśpieku svaich dziejańniaŭ, kryminalnaja sprava budzie nakiravana ŭ sud dla vyrašeńnia pytańnia ab užyvańni prymusovych mier miedycynskaha charaktaru», — raskazała pradstaŭnik SK.
U vyniku taho vypadku chłopčyk trapiŭ u komu, pravioŭ u balnicy niekalki tydniaŭ.
Chłopčyka, jakoha ŭdaryŭ ab padłohu ŭ aeraporcie «Šaramiećcieva» biełarus, vypisali z balnicy
U biełarusa, jaki pakalečyŭ paŭtarahadovaha chłopčyka ŭ maskoŭskim aeraporcie, vyjavili šyzafreniju
Biełarus, jaki žorstka źbiŭ małoha chłopčyka ŭ «Šaramiećcieva», pierad napadam užyŭ hašyš i vypiŭ try plaški viski
Kamientary