Enierhietyki demantujuć paškodžany ŭčastak ciepłatrasy ŭ Minsku, jany pracavali ŭsiu noč.
Fota: Minenierha
U pracy byli zadziejničanyja bolš za 170 čałaviek, paviedamlaje Minenierha.
Zaraz praciahvajecca rabota pa demantažy paškodžanaha kampiensatara trubapravoda, viadziecca padrychtoŭka da jaho zamieny. Raboty ŭskładnieny ŭmovami nadvorja — nočču tempieratura pavietra apuskałasia da minus 19 hradusaŭ.
Z ulikam raźmiaščeńnia paškodžanaha ŭčastka ciepłamahistrali vykarystańnie śpiecyjalnaj techniki było ŭskładniena — šerah technałahičnych apieracyj vykonvaŭsia bryhadami amal uručnuju.
Minenierha padkreślivaje, što prymajucca ŭsie nieabchodnyja miery dla jak maha chutčejšaha zaviaršeńnia rabot i adnaŭleńnia narmalnaha režymu ciepłazabieśpiačeńnia spažyŭcoŭ.
Ranicaj u paniadziełak, 19 studzienia, adbyłosia paškodžańnie ciepłamahistrali pa vulicy Akademika Karskaha ŭ Minsku. U vyniku žychary adrazu piaci rajonaŭ stalicy — Frunzienskaha, Maskoŭskaha, Centralnaha, Savieckaha i Kastryčnickaha — vyjavili, što ich batarei astyli, a z kranaŭ źnikła haračaja vada.
Viartańnie ciapła ŭ kvatery adbyłosia tolki pad viečar.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?83
Kamientary