Na trochbakovaj sustrečy ŭ Abu-Dabi siońnia budzie abmiarkoŭvacca pytańnie terytoryj
ZŠA blizkija da pahadnieńnia z Ukrainaj pa mirnym płanie, ale pakul nie dasiahnuli vidavočnaha pośpiechu ŭ pryciahnieńni rasijskaha prezidenta Uładzimira Pucina da ŭdziełu ŭ pracesie, chacia jon i nie adchiliŭ jaho całkam, kamientuje načnyja pieramovy ŭ Kramli z pradstaŭnikami prezidenta ZŠA vydańnie Axios.
Pa słovach krynic vydańnia, asnoŭnym pytańniem, jakoje budzie abmiarkoŭvacca na trochbakovaj sustrečy ŭ Abu-Dabi, stanie terytaryjalny kantrol na ŭschodzie Ukrainy.
U stalicy Abjadnanych Arabskich Emirataŭ siońnia adbudziecca pieršaje pasiedžańnie trochbakovaj rabočaj hrupy pa pytańniach biaśpieki z udziełam pradstaŭnikoŭ Rasii, Ukrainy i ZŠA, paćvierdzili ŭ Kramli.
Unočy daradca prezidenta Rasii Juryj Ušakoŭ zajaviŭ žurnalistam, što Kreml nastojvaje na terytaryjalnych sastupkach, pra jakija išła havorka na žnivieńskaj sustrečy Pucina i Donalda Trampa na Alascy.
«Hałoŭnaje, što ŭ chodzie hetych pieramovaŭ našaha prezidenta z amierykancami było znoŭ kanstatavana, što biez vyrašeńnia terytaryjalnaha pytańnia pa ŭzhodnienaj u Ankorydžy formule raźličvać na dasiahnieńnie doŭhaterminovaha ŭrehulavańnia nie varta. Pakul hetaha niama — Rasija praciahnie paśladoŭna damahacca pastaŭlenych pierad śpiecyjalnaj vajennaj apieracyjaj met mienavita na poli boju», — skazaŭ Ušakoŭ.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali8
Kamientary