Jeŭrapiejski sud pa pravach čałavieka ŭ Strasburhu aštrafavaŭ Rasiju na JEVRO () 100 tysiač za hibiel žychara Čačni ŭ 2003 hodzie, havorycca ŭ kamiunikie suda.
Svajaki Valida Džabraiłava nieadnarazova źviartalisia ŭ rasijskija sudovyja instancyi, ale zastalisia niezadavolenyja dziejańniem miascovych śledčych orhanaŭ i padali pazoŭ u Jeŭrapiejski sud.
Pavodle dadzienych sudu, u lutym 2003 hodu hrupa ŭzbrojenych ludziej u maskach i kamuflažy ŭvarvałasia da pazoŭnikaŭ dadomu.Valida źviazali i razam z małodšym bratam Asłanam pavieźli ŭ nieviadomym kirunku, dzie zamknuli ich pa adnym u raźmieščanych pad ziamloj kamierach. Asłan, jaki vystupiŭ adnym z pazoŭnikaŭ, čuŭ kryki svajho brata padčas dopytu. Jaho samoha źbili i dva dni nie davali ni vady, ni ježy, kab prymusić pryznacca va ŭdziele ŭ bandfarmavańni. Praz dva dni Asłana z pakietam na hałavie vyvieli z kamiery, pasadzili ŭ mašynu i advieźli da zakinutaha budynka chimzavoda ŭ Hroznym. Asłanu strelili ŭ hałavu, a zatym cieły Asłana i Valida kinuli ŭ roŭ, abkłali vybuchovymi rečyvami i padpalili.
Asłan byŭ jašče žyvy, jon zmoh vybracca i spynić na vulicy mašynu, jakaja adviezła jaho dadomu. U toj ža dzień rodnyja znajšli cieła Valida tam, dzie jaho pakinuŭ Asłan. Pazoŭniki ŭpeŭnienyja, što ŭ vykradańni, źbićci i zabojstvie vinavatyja rasijskija vajskoŭcy.
Sudździ vyvučyli abstaviny spravy i pastanavili, što Asłan i Valid byli zatrymanyja padčas niepryznanaj apieracyi pa zabiaśpiečańni biaśpieki, a Valida paźniej zabili.
Pałata adzinahałosna pastanaviła, što rasijskija ŭłady parušyli šerah artykułaŭ jeŭrapiejskaj Kanviencyi ab abaronie pravoŭ čałavieka i asnoŭnych svabodaŭ.U pryvatnaści, artykuł 2 (prava na žyćcio), 3 (zabarona biesčałaviečnaha abo źnievažalnaha hodnaść abychodžańnia), 5 (prava na svabodu i asabistuju niedatykalnaść) i 13 (prava na efiektyŭnyja srodki pravavoj abarony).
Kamientary