U Narviehii surjozna ŭzialisia za byłoha premjera, jaki siabravaŭ z Epštejnam i spryjaŭ Pucinu
Palicyja Narviehii praviała pieratrusy ŭ damach byłoha premjer-ministra Turbjorna Jahłanda. Raniej z palityka byŭ źniaty imunitet u miežach rasśledavańnia jaho suviaziaŭ ź finansistam Džefry Epštejnam, paviedamlaje Euronews.
Jak paviedamiŭ advakat Jahłanda, pieratrusy adbylisia 12 lutaha i pravodzilisia śpiecyjalizavanym padraździaleńniem pa baraćbie z ekanamičnymi złačynstvami Okokrim. Rasśledujecca mahčymy karupcyjny bok adnosin byłoha premjera z Epštejnam.
Skandał uźnik paśla taho, jak u studzieni Ministerstva justycyi ZŠA apublikavała dakumienty, ź jakich vynikaje, što Jahłand i jaho siamja naviedvali dom Epštejna ŭ 2011—2018 hadach, kali Jahłand byŭ kiraŭnikom Nobieleŭskaha kamiteta pa premii miru i hienieralnym sakratarom Rady Jeŭropy.
Rada Jeŭropy zadavoliła prośbu narviežskich uładaŭ ab adklikańni imunitetu Jahłanda. Pavodle pradstaŭnikoŭ Rady, imunitet pryznačany dla abarony niezaležnaha vykanańnia słužbovych abaviazkaŭ, a nie dla asabistaj vyhady.
Turbjorn Jahłand byŭ sprečnaj fihuraj na mižnarodnaj arenie: jaho krytykavali za nibyta praźmierna družalubnaje staŭleńnie da rasijskaha kiraŭnictva i prezidenta Uładzimira Pucina. Paśla anieksii Kryma ŭ 2014 hodzie Rasija była pad sankcyjami, ale ŭ 2019 hodzie Jahłand uznačaliŭ sproby adnavić prava Maskvy na hałasavańnie ŭ Radzie Jeŭropy. Tolki paśla poŭnamaštabnaha ŭvarvańnia Rasii va Ukrainu ŭ 2022 hodzie Rasija była vyklučanaja z arhanizacyi. Analityki i členy Rady Jeŭropy krytykavali Jahłanda za toje, što jon nibyta paddaŭsia na rasijski «šantaž».
Apublikavanyja fajły Epštejna taksama ŭklučajuć epizody z udziełam inšych narviežskich publičnych asob, naprykład, kranpryncesy Miete-Maryt, jakaja ŭ 2013 hodzie brała ŭ arendu nieruchomaść Epštejna. U 2012 hodzie ŭ pierapiscy z Epštejnam jana zrabiła vykazvańni, za jakija paźniej paprasiła prabačeńnia.
Były pasoł Narviehii ŭ Iardanii Mona Juuł pajšła ŭ adstaŭku paśla taho, jak stała viadoma, što Epštejn pakinuŭ jaje dzieciam $10 miljonaŭ u zaviaščanni. Ministerstva zamiežnych spraŭ Narviehii praciahvaje rasśledavańnie jaje kantaktaŭ z Epštejnam.
Stvaralnica znakamitaha biełaruskaha madelnaha ahienctva prakamientavała jaho zhadki ŭ fajłach Epštejna
U fajłach Epštejna zhadvajecca znakamitaje biełaruskaje madelnaje ahienctva
Urad Kira Starmiera trapiŭ u surjozny palityčny kryzis. I ŭsio znoŭ z-za Epštejna
AP: FBR nie znajšło dokazaŭ taho, što Epštejn kiravaŭ sietkaj pa handli ludźmi
Bił Hiejts škaduje pra kožnuju chvilinu, praviedzienuju z Džefry Epštejnam
Tusk: Sietka Džefry Epštejna mahła być maštabnaj apieracyjaj rasijskich śpiecsłužbaŭ pa vierbavańni zachodnich elit
Seks-impieryja Epštejna mahła być prajektam KDB dla zboru kampramatu na suśvietnych lidaraŭ
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary