MAK trapiŭ pad ahoń krytyki za prodaž futbołak ź simvolikaj Alimpijskich hulniaŭ, praviedzienych Hitleram
Mižnarodny alimpijski kamitet (MAK) sutyknuŭsia z krytykaj z boku Hiermanii za prodaž futbołak z tematykaj Alimpijskich hulniaŭ 1936 hoda ŭ Bierlinie, jakija vykarystoŭvalisia nacystami i Adolfam Hitleram dla prapahandy, piša Bi-bi-si.
Futbołki, jakija pradavalisia ŭ aficyjnaj internet-kramie Alimpijskich hulniaŭ, demanstravali mužčynskuju postać z łaŭrovym viankom, nad jakoj raźmieščanyja alimpijskija kolcy, a pad joj — Brandenburhskaja brama i nadpis Germany Berlin 1936 Olympic Games. Hety dyzajn byŭ stvorany mastakom Francam Viurbielem dla aficyjnaha płakata Hulniaŭ 1936 hoda, što pravodzilisia ŭžo ŭ nacysckim Bierlinie.
U Hiermanii prahučali zakliki spynić prodaž takich futbołak, bo mnohija ličać ich «niedarečnymi i nieprymalnymi», pakolki jany nie ŭtrymlivajuć histaryčnaha kantekstu. Kłara Šedlich, pradstaŭnica frakcyi Zialonych u bierlinskim parłamiencie, adznačyła, što hulni 1936 hoda byli centralnym instrumientam nacysckaj prapahandy i što MAK «niedastatkova asensavaŭ svaju ŭłasnuju historyju».
U adkaz MAK zajaviŭ, što choć jon «pryznaje histaryčnyja prablemy nacysckaj prapahandy», ale taksama imkniecca adznačyć dasiahnieńni hulniaŭ: u Bierlinie, maŭlaŭ, udzielničali 4 483 spartsmieny z 49 krain u 149 dyscyplinach. Futbołki ŭvachodziać u sieryju Olympic Heritage Collection, jakaja pakazvaje 130 hadoŭ alimpijskaha mastactva i dyzajnu, uklučajučy emblemy, płakaty, piktahramy i maskotaŭ z usich Alimpijskich hulniaŭ.
MAK taksama adznačyŭ, što mnohija ŭdzielniki Bierlinskaj Alimpijady ŭrazili śviet svaimi dasiahnieńniami, u pryvatnaści afraamierykanski spartsmien Džesi Oŭens, jaki zavajavaŭ čatyry załatyja miedali i raźbiŭ mif pra aryjskaje rasavaje viaršenstva. U toj ža čas histaryčny kantekst Hulniaŭ 1936 hoda tłumačycca ŭ Alimpijskim muziei ŭ Łazanie, a futbołak hetaha dyzajnu było vypuščana vielmi abmiežavanaja kolkaść.
Tym nie mienš, paśla skandału futbołku z prodažu prybrali.
Preziervatyvaŭ, nazapašanych dla spartsmienaŭ na Alimpijadzie ŭ Italii, chapiła na try dni
Sturła Cholm Lehrejd vybačyŭsia pierad byłoj dziaŭčynaj za apovied pra zdradu
Ukrainski skieletanist Hieraskievič prakamientavaŭ situacyju sa svajoj dyskvalifikacyjaj na Alimpijadzie
Prezident MAK raspłakałasia paśla dyskvalifikacyi skieletanista Hieraskieviča
Ukrainskaha skieletanista Hieraskieviča dyskvalifikavali na Alimpijadzie za šlem z fotazdymkami zahinułych na vajnie spartoŭcaŭ
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary
MOK užie davno prodałsia, za dieńhi on proviediem ihry v luboj stranie, budiet otmyvať luboho krovavoho diktatora.