Pasoł ZŠA pry NATO Mećju Uitakier zajaviŭ, što Kitaj akazvaje vyznačalnuju padtrymku rasijskaj ahresii va Ukrainie. Jon ličyć, što Piekin moh by pakłaści kaniec vajnie adnym telefonnym zvankom u Maskvu, piša Bloomberg.
«Kitaj moh by patelefanavać Uładzimiru Pucinu i pakłaści kaniec hetaj vajnie zaŭtra ž, a taksama spynić prodaž jamu technałohij padvojnaha pryznačeńnia», — skazaŭ Uitakier padčas panelnaj dyskusii na Miunchienskaj kanfierencyi pa biaśpiecy.
Jon dadaŭ, što Piekin moh by spynić zakupku rasijskaj nafty i hazu, padkreśliŭšy, što hetaja vajna «całkam padtrymlivajecca Kitajem».
Bloomberg taksama adznačaje, što z pačatku poŭnamaštabnaj vajny Piekin i Maskva jašče bolš umacavali partniorskija adnosiny. U pryvatnaści, Rasija zaležyć ad Kitaja ŭ pastaŭcy krytyčna važnych detalaŭ i kampanientaŭ dla dronaŭ i inšaj vajennaj techniki.
Taksama Kitaj znoŭ staŭ najbujniejšym pakupnikom rasijskaj syroj nafty, niahledziačy na ŭzmacnieńnie mižnarodnaha cisku na krytyčna važny dla Maskvy handal naftaj.
Pavodle źviestak adsočvańnia, u studzieni ŭ kitajskich partach było adhružana 1,65 młn baralaŭ nafty ŭ dzień. Heta samy vysoki pakazčyk z sakavika 2024 hoda i druhi pa vieličyni miesiačny abjom z momantu ŭvarvańnia RF va Ukrainu ŭ 2022 hodzie.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary