U Francyi raskryli maštabnuju afieru z kvitkami ŭ muziei — u Łuŭry i Viersalskim pałacy. Pavodle infarmacyi haziety Le Parisien, palicyja zatrymała dzieviać čałaviek, siarod jakich dvoje supracoŭnikaŭ Łuŭra i ekskursavody. Ich padazrajuć u prodažy padroblenych biletaŭ i niezakonnym braniravańni ekskursij.
Padčas pieratrusaŭ u zatrymanych kanfiskavali 957 tysiač jeŭra hatoŭki, jašče 486 tysiač jeŭra vyjavili na bankaŭskich rachunkach. Akramia taho, palicyja zabrała try aŭtamabili i niekalki bankaŭskich siejfaŭ.
Rasśledavańnie pačałosia paśla skarhi supracoŭnikaŭ Łuŭra. Jany źviarnuli ŭvahu na kitajskich hidaŭ, jakija rehularna pravodzili hrupy turystaŭ u muziej, abminajučy kasu. Pavodle śviedčańniaŭ, dla roznych ludziej vykarystoŭvalisia adnyja i tyja ž bilety. Paśla pravierki i prasłuchoŭvańnia telefonnych razmoŭ padazreńni paćvierdzilisia.
Prakuratura miarkuje, što złačynnaja schiema dziejničała kala dziesiaci hadoŭ i mahła nanieści Łuŭru straty bolš jak na 10 miljonaŭ jeŭra.
Kamientary