«Našaja kłasika. Dla pryjomaŭ na najvyšejšym uzroŭni».
Zasnavalnik viciebskaha chołdynhu Marko Mikałaj Martynaŭ u efiry telekanała «Biełaruś 1» prademanstravaŭ madel mužčynskaha abutku, jakuju abraŭ dla siabie Alaksandr Łukašenka.
Pavodle słoŭ biznesoŭca, heta kłasičnaja madel, jakaja idealna padychodzić navat dla pryjomaŭ na najvyšejšym uzroŭni.
— Heta našaja kłasika, i my hetym hanarymsia. Siońnia jana ŭžo praktyčna vyvieranaja, hetaja madelka, i jana dla pryjomaŭ na najvyšejšym uzroŭni.
Martynaŭ dadaŭ, što madel užo stała sieryjnaj.
Alaksandr Łukašenka nieadnarazova rekłamavaŭ viciebski abutak. Jon zhadvaŭ vypadak, jak nibyta zdymaŭ abutak, kab dakazać Nursułtanu Nazarbajevu i inšym kiraŭnikam krain, što na im nie italjanskaja ci francuzskaja vytvorčaść, a biełaruskaja marka.
A na naradzie ŭ kastryčniku 2025 hoda ŭ Viciebsku Łukašenka prakamientavaŭ pracu dvuch bujnych brendaŭ biełaruskaha abutku — Marko i Belwest i pachvaliŭ pieršaha vytvorcu.
«Marko pracuje? Pracuje. A čamu Belwest nie pracuje? Na Marko narmalny mužyk pracuje, navat prezidentu šyje čaraviki, — skazaŭ Łukašenka, źviarnuŭšysia da Mikałaja Martynava. — Dziakuj vialiki, voś, tvaje čaraviki našu. Kali ŭ mianie kiraŭniki dziaržaŭ [pytajuć]. Viedaješ, chto im šyje. Kažuć, što nie moža być! Ja kažu: tak, Marko».
U 2021 hodzie Łukašenku bačyli ŭ krasoŭkach zusim nie biełaruskaj vytvorčaści — na adkryćcio stadyjonu «Dynami-Juni» jon pryjechaŭ u amierykanskich Air Force 1 firmy Nike.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary