Iluzijanist Devid Kapierfild spyniaje svaje šou. Raniej jon zaśviaciŭsia ŭ fajłach Epštejna
69‑hadovy znakamity iluzijanist Devid Kapierfild abjaviŭ, što jaho apošniaje šou ŭ MGM Grand u Łas-Viehasie adbudziecca 30 krasavika. Hetaje rašeńnie było abvieščana praź niekalki tydniaŭ paśla taho, jak u publičny dostup trapili dakumienty spravy Epštejna, u jakich zhadvajucca suviazi Kapierfilda z asudžanym za seksualnyja złačynstvy finansistam Džefry Epštejnam, piša The Guardian.
MGM Grand paabiacaŭ aŭtamatyčnaje viartańnie kvitkoŭ, na šou iluzijanista, zareziervavanych paśla 29 krasavika.
Raniej Devid Kapierfild užo sutykaŭsia z padobnymi prablemami: z 2007 da 2009 hoda ŭ dačynieńni da jaho pravodziłasia kryminalnaje rasśledavańnie pavodle abvinavačvańnia ŭ zhvałtavańni žančyny, jakuju jon sustreŭ na svaim šou i zaprasiŭ na pryvatny vostraŭ na Bahamach. Adnak ža Kapierfild nikoli nie byŭ aficyjny abvinavačany i nieadnarazova zajaŭlaŭ pra svaju nievinavataść.
Novyja dakumienty śviedčać, što FBR razhladała suviazi Kapierfilda z Epštejnam. Ahienty ź Sietła ŭ 2007 hodzie adznačali nieabchodnaść dalejšaha rasśledavańnia, kab vyśvietlić, ci mahli jany abodva mieć «schilnaść da niepaŭnaletnich» i ci pieradavali patencyjnyja achviary adzin adnamu. U materyjałach taksama zhadvałasia, što Kapierfild vučyŭ svaich supracoŭnikaŭ znachodzić maładych dziaŭčat u zale i pryvodzić ich za kulisy.
FBR adznačała, što ŭ natatnikach Kapierfilda byli imiony i kantaktnyja źviestki dziaŭčat, a taksama infarmacyja pra intymnyja adnosiny ź imi. U dakumientach taksama zhadvajecca, što niekatoryja z hetych dziaŭčat byli haściami Epštejna.
Spravu suprać Kapierfilda ŭrešcie tady zakryli, bo, pavodle ahienta FBR, prakuratura była «słabaja i zapałochanaja finansavymi mahčymaściami Kapierfilda». Pazicyja iluzijanista i jaho advakataŭ — što jon byŭ tolki znajomym Epštejna i nikoli nie ŭdzielničaŭ u niepravamiernych dziejańniach.
U MGM Grand adznačyli ŭ pres-relizie, što dziakujuć Kapierfildu i jaho kamandzie za bolš za 25 hadoŭ fantastyčnych šou i pažadali jamu pośpiechu ŭ nastupnych prajektach. Advakaty iluzijanista pakul pa novych dakumientach kamientaroŭ nie davali.
Apublikavali dakumienty pa spravie Epštejna z abvinavačvańniami suprać Trampa
«Ničoha nie bačyŭ i ničoha drennaha nie rabiŭ». Bił Klintan raskazaŭ pra svaje suviazi z Epštejnam
Chiłary Klintan zaklikała Kanhres vyklikać Trampa dla dačy pakazańniaŭ pa spravie Epštejna
Prezident Suśvietnaha ekanamičnaha forumu padaŭ u adstaŭku na fonie rasśledavańnia jaho suviaziaŭ z Epštejnam
Bił Hiejts pryznaŭsia ŭ šlubnych zdradach z rasijankami i ŭ tym, što Epštejn jaho hetym šantažavaŭ
Były narviežski premjer Jahłand zrabiŭ sprobu samahubstva na fonie abvinavačańnia ŭ suviaziach z Epštejnam
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary