Novy mastacki kiraŭnik Kupałaŭskaha — rasijanin z pravincyjnych teatraŭ
40‑hadovy Dźmitryj Akimaŭ byŭ mastackim kiraŭnikom Čaremchaŭskaha dramatyčnaha teatra, Tomskaha teatra junaha hledača i navat Matyhinskaha dramatyčnaha teatra.
Ministr kultury Rusłan Čarniecki pradstaviŭ kalektyvu Teatra imia Janki Kupały novaha mastackaha kiraŭnika. Im staŭ rasijski režysior Dźmitryj Akimaŭ.
«Pačynajecca novaja staronka ŭ historyi słavutaha, fłahmanskaha teatra Biełarusi. Upeŭnieny, što napieradzie nas čakaje mnostva cudoŭnych śpiektaklaŭ i ŭražańniaŭ!» — pafasna adznačyŭ ministr kultury i pažadaŭ tvorčych pośpiechaŭ.
«Maja pieršačarhovaja meta — realizacyja stratehii raźvićcia teatra na doŭhi pieryjad, kab my ŭsie adčuli i asensavali jaho misiju i kirunak. My pavinny zrazumieć, jakim jon musić być pa ŭsich pakazčykach: tvorčym, ekanamičnym i hramadska-palityčnym. Budu rabić usio mahčymaje, kab teatr adpaviadaŭ svajmu vysokamu statusu», — adkazaŭ Akimaŭ u słovie ŭ adkaz.
Na sajcie teatra pa-raniejšamu mastackim kiraŭnikom paznačana Volha Niafiodava, jakaja ŭznačaliła Kupałaŭski paśla taho, jak u žniŭni 2020 hoda teatr pakinuła bolš za 50 akcioraŭ i supracoŭnikaŭ.
Dźmitryj Akimaŭ — uradženiec Sajanska (Irkuckaja vobłaść Rasii). Skončyŭ fakultet režysury teatralnaha instytuta imia Ščukina ŭ 2018 hodzie ŭ Maskvie. Pracavaŭ hałoŭnym režysioram u šerahu rasijskich pravincyjnych teatraŭ.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary