ZŠA abmiažujuć pasłableńnie naftavych sankcyj suprać Rasii pastaŭkami ŭ Indyju
Złučanyja Štaty Amieryki paviedamili partnioram z «Vialikaj siamiorki», što mahčymyja pasłableńni sankcyj suprać rasijskaj nafty buduć vielmi abmiežavanymi i ŭ asnoŭnym zakranuć pastaŭki ŭ Indyju. Pra heta paviedamiŭ jeŭrakamisar pa ekanomicy Vałdzis Dambroŭskis paśla telefonnaj razmovy ministraŭ finansaŭ krain G7, piša Bloomberg.
Sa słoŭ jeŭrakamisara, amierykanski bok padkreśliŭ, što takoje pasłableńnie budzie abmiežavana i časam, i abjomami. U Vašynhtonie taksama ličać, što hety krok nie akaža istotnaha ŭpłyvu na ahulnyja naftavyja dachody Rasii.
Raniej prezident ZŠA Donald Tramp zajaviŭ, što abmiarkoŭvaŭ z rasijskim prezidentam Uładzimiram Pucinym mahčymaść častkovaj admieny niekatorych naftavych sankcyj. Meta — dapamahčy źnizić ceny paliva. Padrabiaznaści hetaj razmovy nie byli raskrytyja.
ZŠA ŭžo dazvolili Indyi zakuplać rasijskuju naftu, jakaja na momant pryniaćcia rašeńnia znachodziłasia ŭ mory. Pavodle krynic, kali buduć novyja pasłableńni, jany buduć pravodzicca pa padobnaj schiemie, ale kančatkovaje rašeńnie budzie prymać sam Tramp.
Nafta na suśvietnym rynku ŭ paniadziełak padaražeła amal da 120 dalaraŭ za baral. Heta adbyłosia na fonie skaračeńnia zdabyčy nafty na Blizkim Uschodzie i prablem z transpartavańniem praz Armuzski praliŭ, dzie ŭźnikła niebiaśpiečnaja situacyja dla tankieraŭ. Paśla, praŭda, jana adkaciłasia da 90 dalaraŭ paśla taho, jak Donald Tramp zajaviŭ, što apieracyja ŭ Iranie blizkaja da zakančeńnia.
Krainy «Vialikaj siamiorki» taksama zajavili, što hatovyja vykarystoŭvać svaje stratehičnyja zapasy nafty, kali situacyja na rynku stanie jašče bolš składanaj. Adnak častka ŭdzielnikaŭ ličyć, što pakul dla hetaha niama dastatkovych padstaŭ.
Čakajecca, što paźniej na hetym tydni lidary krain G7 praviaduć jašče adnu razmovu, kab abmierkavać situacyju vakoł Irana i jaje ŭpłyŭ na suśvietny enierhietyčny rynak.
Cana Brent adkaciłasia da $90 za baral na fonie abiacańniaŭ Trampa chutka skončyć vajnu suprać Irana
Padčas bambardzirovak Irana amierykancy nie kranajuć maleńki vostraŭ — hałoŭnuju naftavuju arteryju. Čamu?
Kali vajna ŭ Iranie najbližejšym časam nie skončycca, śviet moža ŭstupić u najmacniejšy enierhakryzis z 1970‑ch hadoŭ
Kamientary