Lashas zaprašaje padzarabić na vysadcy lesu. Biełarusy ździvilisia apłacie za hetu pracu
U Threads zavirusiŭsia post z abjavaj Juravickaha laśnictva Kalinkavickaha lashasa ab zaprašeńni ŭsich žadajučych na pasadku i dapaŭnieńnie lasnych kultur, zaŭvažyŭ «Fłahštok».
U abjavie paznačana, što raboty apłačvajucca: 58 rubloŭ za pasadku 1 tysiačy lasnych kultur i 55 rubloŭ — za 1 tysiaču štuk pry dapaŭnieńni lasnych kultur.
Takija rascenki vyklikali abmierkavańnie. Niekatoryja pišuć, što tysiaču sadžancaŭ možna pasadzić za dźvie hadziny. Inšyja asprečvajuć:
«Nie słuchajcie tych, chto piša, što heta lohka. 1—2 mietry adlehłaść pamiž sadžancam. Ujavili, kolki za dzień projdziecie? Pa razaranaj trybie z pasiaŭnym materyjałam (pa jaki jašče i chadzić treba budzie). Ź instrumientam, jaki važyć niamała i jaki treba ŭvatknuć i ŭtaptać u ziamlu. Heta vielmi ciažka. 58 rubloŭ za takuju pracu? Ja ŭ šoku».
«Ździekliva vyhladaje takaja apłata. Napisali b, što zaprašajuć vałancioraŭ, abied i pačastunki ad arhanizataraŭ».
Aryjencirovačny pačatak rabot — 16 sakavika ŭ zaležnaści ad pahodnych umoŭ. Na sajcie lashasa i na jaho staronkach u sacsietkach takoj abjavy «Fłahštok» nie znajšoŭ.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra6
Kamientary