U Novaj Ziełandyi mohuć abmiežavać vykarystańnie aŭtamabilaŭ z-za situacyi ź Iranam
Z-za aściaroh deficytu paliva Novaja Ziełandyja moža ŭvieści abaviazkovyja dni biez aŭtamabilaŭ.
Ministr finansaŭ Nikoła Uilis zajaviła, što razhladajecca zakon 1979 hoda, jaki abaviazvaje aŭtamabilistaŭ adzin dzień na tydzień admaŭlacca ad pajezdak na mašynie. Parušalnikam buduć pahražać hrašovyja štrafy, piša Bild.
Zhadany zakon źjaviŭsia paśla isłamskaj revalucyi ŭ Iranie i dziejničaŭ ź lipienia 1979 hoda pa maj 1980 hoda. Jaho ŭviali z toj ža metaj — urad imknuŭsia abmiežavać spažyvańnie paliva.
Reahuje i avijacyja: z-za rostu cen na kierasin Air New Zealand u bližejšyja dva miesiacy maje namier skaracić 5% rejsaŭ, pierš za ŭsio ŭnutry krainy.
Novaja Ziełandyja mocna zaležyć ad impartu paliva. Z pačatku vajny ŭ Iranie ceny na bienzin vyraśli amal na 10%, a na dyziel, pavodle danych Gaspy, bolš čym na 20%. Ministr enierhietyki Šejn Džons zajaviŭ, što najaŭnych u krainie zapasaŭ chopić prykładna na 50 dzion.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary