Biełhidramiet abnaviŭ infarmacyju pra stan rek u Biełarusi. Pavodle apošnich danych, za minułyja sutki na niekatorych rekach pačałosia ačyščeńnie ad lodu.
U pryvatnaści, lod syšoŭ na race Haryń kala vioski Małyja Vikaravičy Stolinskaha rajona. Heta prytok Prypiaci. Taksama pavysiŭsia ŭzrovień vady na inšym prytoku Prypiaci — race Śćviha kala Karocičaŭ Stolinskaha rajona: tam vada ŭžo vyjšła na pojmu. Padobnaja situacyja nazirajecca i na Biarezinie kala horada Bierazino.
Razam z tym na bolšaści biełaruskich rek usio jašče zachoŭvajecca ledastaŭ. Lod trymajecca na Dniapry, Sožy, a taksama na asobnych učastkach Prypiaci, Niomana i Vilii. Na ŭčastku Prypiaci Černičy — Mazyr lod užo ŭskryŭsia, jak i na niekatorych prytokach Soža i Dniapra.
Uzrovień vady na bolšaści rek za sutki pavialičyŭsia na 1—23 santymietry. Najbolš chutki rost nazirajecca ŭ basiejnie Dźviny — tam vada miescami padniałasia da 68 santymietraŭ za sutki.
U cełym pavyšeńnie ŭzroŭniu vady ciapier nazirajecca na bolšaści rek u basiejnach Prypiaci i Dniapra.
Kamientary