Łarysa Dolina nie zdajecca — jana choča spahnać bolš za 2 miljony dalaraŭ z kurjeraŭ, jakim jana addała hrošy
Historyja z elitnaj nieruchomaściu Łarysy Dolinaj u Chamoŭnikach, jakaja ciahnułasia amal dva hady, atrymała novy vitok. Śpiavačka źviarnułasia ŭ Bałašychinski rajonny sud ź iskam da čatyroch kurjeraŭ, jakim jana sama pieradała najaŭnyja pad upłyvam machlaroŭ. Dolina patrabuje ad ich vypłaty bolš za 176 miljonaŭ rubloŭ — kala 2,1 młn dalaraŭ.
Usio pačałosia viasnoj 2024 hoda, kali Dolina patrapiła pad upłyŭ telefonnych afierystaŭ, jakija vydavali siabie za supracoŭnikaŭ FSB i Raśfinmanitorynhu. Złačyncy pierakanali narodnuju artystku RF, što jaje srodki pad pahrozaj, i ŭciahnuli jaje ŭ «śpiecapieracyju». U vyniku Dolina nie tolki pieraviała ŭvieś svoj aščadak na «biaśpiečnyja rachunki», ale i pa patrabavańni kurataraŭ pradała svaju kvateru maci-adzinočcy Palinie Łurje za 112 miljonaŭ rubloŭ.
Pieršapačatkova rasijskaje pravasudździe było na baku zorki. Chamoŭnicki sud Maskvy pryznaŭ ździełku niesapraŭdnaj, zajaviŭšy, što Dolina dziejničała pad mocnym psichałahičnym ciskam i nie ŭśviedamlała realnaści padziej. Heta pastaviła pakupnicu Palinu Łurje ŭ katastrafičnaje stanovišča: jana zastałasia i biez hrošaj, i biez žylla. Rezanans byŭ vializarnym. Tamu ŭ śniežni 2025 hoda Viarchoŭny sud RF pryniaŭ inšaje rašeńnie, pryznaŭšy Łurje dobrasumlennaj pakupnicaj. Sud pastanaviŭ, što ašukanaja ŭładalnica kvatery pavinna sama nieści adkaznaść za svaje dziejańni. U studzieni 2026 hoda Dolina była vymušanaja vysielicca z kvatery.
Ciapier Dolina sprabuje spahnać hrošy ź niepasrednych vykanaŭcaŭ, jakija ŭžo atrymali realnyja terminy ŭ kałonii — ad 4 da 7 hadoŭ. Choć sud užo pryznaŭ ich vinavatymi, śpiavačka pakul nie atrymała nijakaj kampiensacyi. Pazoŭ na 176 miljonaŭ rubloŭ uklučaje jak sumu za pradadzienuju kvateru, tak i astatnija skradzienyja źbieražeńni.
Pry hetym sami asudžanyja na pracesie zajaŭlali, što sami byli achviarami ašukancaŭ, ich vykarystoŭvali ŭślapuju i jany nie razumieli maštabaŭ i sensu afiery.
Śpiecyjalist raskazaŭ, jak siabie zaścierahčy ad padmanu pa schiemie Dolinaj
U Minsku adbyŭsia sud, anałahičny vypadku z kvateraj Dolinaj. Jak jon skončyŭsia?
Jak vyhladaje znakamitaja kvatera Dolinaj, praź jakuju śpiavačku źnienavidzieli ŭ Rasii
«My pad upłyvam jaje pradavali». «Bieła-Koła» ŭvarvałasia ŭ skandał z kvateraj Dolinaj
Śpiavačka Łarysa Dolina raskazała, što navat pazyčała hrošy, kab addać ich machlaram. Usiaho ź jaje vyciahnuli kala 4 miljonaŭ dalaraŭ
Ciapier čytajuć
Siarhiej Cichanoŭski pierabraŭsia žyć u Łos-Andželes29
Kamientary