Rasija pačała viasnovy nastup na 100‑kiłamietrovym froncie. Ukraina była hatovaja
Kamandujučy siłami biaśpiłotnych sistem (SBS) Robiert «Madziar» Broŭdzi zajaviŭ pra pačatak maštabnaha viesnavoha nastupu rasijskich vojskaŭ, jaki sutyknuŭsia z žorstkim ukrainskim adporam.
Rasijskija vojski pačali viasnovy nastup na šerahu ŭčastkaŭ danieckaha i zaparožskaha napramkaŭ, vykarystaŭšy tuman i niepahadź jak prykryćcio dla šturmaŭ, zajaviŭ Robiert Broŭdzi.
Pavodle jaho słoŭ, za paŭtara sutak na adrezku frontu ad Rodzinskaha da Hulajpola rasijski bok straciŭ bolš za 900 čałaviek i nie zdoleŭ prasunucca ni na adnym z učastkaŭ.
Broŭdzi źviazaŭ nastup nie tolki z paharšeńniem nadvorja, ale i z zahadzia padrychtavanym startam viasnova-letniaj kampanii z boku Rasii.
Rasijskija siły pajšli ŭ ataki pad prykryćciom tumanu, jaki trymaŭsia niekalki dzion. Asnoŭny nacisk, jak śćviardžaje Broŭdzi, adbyŭsia na śvitańni 17 sakavika, kali ŭ boj adnačasova rušyli piachota, matacykły, braniatechnika i navat koni. Pavodle acenki Broŭdzi, tolki za 17 sakavika straty rasijskaha boku na hetym učastku skłali bolš za 500 čałaviek zabitymi i paranienymi.
Bajavyja dziejańni praciahnulisia i na nastupny dzień, bo tuman nie raśsiejaŭsia. Pavodle Madziara, pa stanie na poŭdzień 18 sakavika rasijskija straty pavialičylisia jašče i sukupna za paŭtara sutak pieravysili 900 čałaviek.
«Viasnova-letni nastup budziem ličyć častkova raskarkavanym», — piša Broŭdzi.
-
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
-
Novym hałoŭnakamandujučym USU staŭ hienierał-major Michaił Drapaty. Čym jon viadomy?
-
U akupavanym Maryupali paśla ataki dronaŭ zahareŭsia skład z palivam
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary