Tramp daŭ Iranu 48 hadzin na adkryćcio Armuzskaha praliva. I skazaŭ, što zrobić, kali jany nie pahodziacca
Tramp pahražaje źniščeńniem iranskich elektrastancyj.
Prezident ZŠA Donald Tramp pryhraziŭ źniščyć iranskija elektrastancyi, kali Tehieran nie adkryje Armuzski praliŭ na praciahu 48 hadzin.
«Kali Iran nie adkryje całkam, admoviŭšysia ad pahroz, Armuzski praliŭ na praciahu 48 hadzin z hetaha momantu, Złučanyja Štaty Amieryki naniasuć udar i źniščać ich roznyja elektrastancyi, pačynajučy z samaj bujnoj!» — napisaŭ Tramp u Truth Social.
Tramp apublikavaŭ paviedamleńnie a 23:44 pa Hrynvičy 21 sakavika. Heta aznačaje, što ŭ Irana jość čas da 23:44 pa Hrynvičy 23 sakavika (02:44 u Minsku 24 sakavika), kab adkryć praliŭ.
Iran u svaju čarhu pahražaje nanieści ŭdary pa źviazanaj z ZŠA enierhietyčnaj infrastruktury ŭ rehijonie Piersidskaha zaliva, kali buduć atakavanyja paliŭnyja i enierhietyčnyja abjekty Irana.
Raniej Tramp napisaŭ u Truth Social, što ZŠA «ścierli Iran z karty».
Jon abviarhaje mierkavańnie, što jamu nie ŭdałosia dasiahnuć svaich metaŭ u Iranie: «Tak, udałosia, i na niekalki tydniaŭ raniej za zapłanavany termin. Ich kiraŭnictva źniščana, ich fłot i vajenna-pavietranyja siły miortvyja, u ich absalutna niama abarony, i jany chočuć zaklučyć ździełku. Ja — nie».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Bis !