U Vienie vyjšaŭ z druku časopis pra litaraturu i kulturu Zwischenwelt, u jakim apublikavanyja tvory bolš jak paŭtara dziasiatka biełaruskich litarataraŭ u pierakładzie na niamieckuju movu. Pieršy numar za 2026 hod nazyvajecca «Čas na miažy. Biełaruskaja litaratura ŭ padpolli i ŭ vyhnańni» (Zeit am Grat. Belarusische Literatur im Untergrund und im Exil), piša Bellit.info.
Padboram aŭtaraŭ zajmałasia Hanna Jankuta ŭ supracy z redaktarkaj časopisa, pierakładali ŭryŭki ese i paeziju Cina Viunšman, Tomas Vajler, Łote Fraj, Francyska Fiuchsl.
Siarod aŭtaraŭ i aŭtarak numara Aleś Bialacki, Sabina Bryło, Jula Cimafiejeva, Hanna Šakiel, Hanna Jankuta, Siarhiej Pryłucki, Artur Kamaroŭski, Darja Bialkievič, Maryja Litvin, Alhierd Bacharevič, Uładź Lankievič, Taćciana Niadbaj, Maryja Badziej i inšyja. Častka litarataraŭ vystupaje pad psieŭdanimami.
Dobraja tracina vydańnia pryśviečana biełaruskaj litaratury, aproč publikacyi pierakładaŭ taksama źmieščany recenzii na knihi biełaruskich aŭtaraŭ (Juli Cimafiejevaj, Alhierda Bachareviča, Viktara Žybula i Tani Arcimovič), što apošnim časam vychodzili pa-niamiecku.
Časopis azdablajuć kałažy Juli Cimafiejevaj.
Časopis «Zwischewelt», pryśviečany kultury vyhnańnia i supracivu, z 1984 hoda štokvartalna vydajecca ŭ Vienie Tavarystvam Teadora Kramiera. Zamović numar možna, napisaŭšy na adras: office[a]theodorkramer.at
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary