Sprava ab pažary na MZVT pieradadziena ŭ papiaredniaje rasśledavańnie HUUS Minharvykankama
Kryminalnaja sprava ab pažary na Minskim zavodzie vyličalnaj techniki pieradadziena ŭ papiaredniaje rasśledavańnie HUUS Minharvykankama. Pra heta BiełaPAN paviedamili ŭ RUUS Frunzienskaha rajona stalicy.
Nahadajem, pažar na MZVT adbyŭsia 11 maja. Padčas jaho tušeńnia zahinuli čaćviora ratavalnikaŭ. Naniesieny ŭron acenieny prykładna ŭ 623 młn. rubloŭ.
Pa dadzienym fakcie śledčym adździełam papiaredniaha rasśledavańnia Frunzienskaha RUUS raspačata sprava na padstavie č. 3 art. 304 KK (parušeńnie praviłaŭ pažarnaj biaśpieki). Padčas rasśledavańnia zatrymali, a paźniej adpuścili pad padpisku ab niavyjeździe 47‑hadovaha zvarščyka i 28‑hadovaha majstra MZVT.
Pavodle viersii śledstva, rabočy (jon prajšoŭ adpaviednuju padrychtoŭku, pravierku viedaŭ i atrymaŭ paśviedčańnie i tałon ab prachodžańni pažarna‑techničnaha minimumu) pa ŭkazańni niepasrednaha kiraŭnika — majstra — pry vytvorčaści hazazvaračnych ramontnych rabot u składskim pamiaškańni pradpryjemstva parušyŭ praviły pažarnaj biaśpieki. Na asnovie źviestak, jakija majucca, śledstva miarkuje, što padčas pracy jon nie vykonvaŭ miery biaśpieki, a paśla zakančeńnia ŭvažliva nie ahledzieŭ miesca praviadzieńnia rabot i nie likvidavaŭ vyjaŭlenyja parušeńni. Mienavita hetaja nieaściarožnaść, miarkujuć śledčyja, i stała pryčynaj ŭźniknieńnia pažaru ŭ składskim pamiaškańni.
Kamientary