U śpis terarystaŭ Andreja Akuzina dadali ŭžo paśla śmierci, paviedamlaje «Miedyjazona».
U SIZA ŭ Kamsamolsku-na-Amury zahinuŭ 53‑hadovy mastak Andrej Akuzin, jaki, jak paviedamlajecca, skončyŭ žyćcio samahubstvam paśla aryštu.
Jaho zatrymali 2 krasavika nibyta z-za kamientaryja, pakinutaha ŭ internecie ŭ 2025 hodzie — mahčyma, havorka išła pra łajk abo adkaz na publikacyju. Siabry i znajomyja Akuzina śćviardžajuć, što jon nie mieŭ advakata.
Pavodle słoŭ jaho znajomaj, režysiorki Taćciany Frałovaj, aryštavali jaho za vielmi drobnaje internet-vykazvańnie, i abvinavačvańni ŭ «teraryźmie» jana ličyć absurdnymi.
7 krasavika jamu spoŭniłasia 53 hady, a ŭžo na nastupny dzień jon, jak paviedamlajecca, paviesiŭsia ŭ kamiery. Užo paśla śmierci jaho ŭklučyli ŭ śpis «terarystaŭ i ekstremistaŭ».
Taksama viadoma, što jon u pierapiscy nieadnarazova pisaŭ pra toje, što «adziny svabodny pratest siońnia — heta samahubstva».
Andrej Akuzin byŭ viadomym u Kamsamolsku-na-Amury mastakom: u 2000‑ch u jaho prachodzili piersanalnyja vystavy, a paźniej jon pracavaŭ mastakom-pastanoŭščykam u dramatyčnym teatry.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary