U Biełarusi źjaviŭsia niebiaśpiečny škodnik, jaki niščyć drevy
U Biełarusi zafiksavana pieršaje źjaŭleńnie adnaho z samych niebiaśpiečnych škodnikaŭ dreŭ — jasienievaj smarahdavaj złatki. Nasiakomaje vyjavili ŭ Homieli, paviedamili śpiecyjalisty słužby karancinu i achovy raślin.
Jasienievaja smarahdavaja złatka
Hety žuk paśpieŭ prasłavicca jak sapraŭdny «zabojca jasieniaŭ» u inšych krainach: jon źniščaje drevy znutry i zdolny za karotki čas zahubić cełyja nasadžeńni.
Hałoŭnuju pahrozu ŭjaŭlajuć nie darosłyja asobiny, a ličynki. Jany prahryzajuć chady pad karoj, razburajučy žyćciova važnyja tkanki dreva. Vonkava ŭsio pačynajecca niezaŭvažna: krona radzieje, liście žoŭknie raniej času, halinki zasychajuć. A praz 1‑3 hady dreva całkam hinie.
Śpiecyjalisty papiaredžvajuć: pry masavym raspaŭsiudžvańni lik moža iści na siezony — jasieni mohuć źnikać za adzin-dva hady.
Raspaznać škodnika možna pa charakternych prykmietach: na stvałach źjaŭlajucca nievialikija D-padobnyja adtuliny, a pad karoj — źvilistyja «łabirynty». Sam žuk — jarki, smarahdava-zialony, ź mietaličnym blaskam.
Niebiaśpieka ŭzmacniajecca tym, što złatka lohka raspaŭsiudžvajecca — z draŭninaj, sadžancami, upakoŭkaj i navat transpartam.
Ciapier hałoŭnaja zadača — nie dapuścić jaje raspaŭsiudžvańnia pa krainie. Žycharoŭ prosiać być asabliva ŭvažlivymi: pry samych pieršych prykmietach paškodžańnia dreŭ abo vyjaŭleńni padazronych nasiakomych nieabchodna terminova paviedamlać śpiecyjalistam.
Ad chutkaści reakcyi zaležyć, ci ŭdasca spynić novaha niebiaśpiečnaha škodnika.
Kalekcyja tekstylu i knih ź niamieckaha Lajmena prybyła ŭ Vilenski biełaruski muziej razam z žukom-skurajedam
Biełaviežskaja pušča abjaviła vajnu invaziŭnym dubam
Miljony maluskaŭ z Pryčarnamorja zachapili Ženieŭskaje voziera — heta katastrofa dla ekasistemy
U Baranavičach u parku pastavili adpužvalnik dla ptušak. Ale jon adpužvaje taksama i ludziej
Kamientary