Biełarusam chočuć abmiežavać kolkaść bankaŭskich kartak na čałavieka
U Biełarusi razhladajuć mahčymaść uvieści abmiežavańnie na kolkaść bankaŭskich kartak, jakija moža mieć adzin čałaviek. Pra heta paviedamiŭ pieršy namieśnik staršyni praŭleńnia Nacbanka Biełarusi Alaksandr Jahoraŭ na kanfierencyi «Ličbavy bankinh — 2026», piša Sputnik.
Pa słovach Alaksandra Jahorava, takija miery pierš za ŭsio buduć nakiravanyja nie na zvyčajnych klijentaŭ, a na tak zvanych «dropaŭ» — ludziej, jakich vykarystoŭvajuć machlary dla pieravodu, źniaćcia abo pierasyłki skradzienych hrošaj. Płanujecca zrabić tak, kab bolšaść hramadzian amal nie adčuła hetych abmiežavańniaŭ.
Pry raspracoŭcy padychodaŭ uličvajecca i zamiežny dośvied, u tym liku rasijski zakon suprać padobnych schiem, ale ŭ Biełarusi nie chočuć uvodzić samyja žorstkija miery, imknučysia zachavać bałans pamiž biaśpiekaj i narmalnaj pracaj ekanomiki.
«Dropy» — heta padstaŭnyja asoby, na čyje rachunki pastupajuć niezakonnyja hrošy. Jany zdymajuć hetyja srodki abo pierasyłajuć dalej, tym samym stanoviačysia častkaj machlarskich schiem.
Ad zvankoŭ «z banka» da fejkavych inviestycyj. Jak machlary kraduć hrošy z kartaŭ
«Miedsiastra turbuje, abnaŭlaju vašu miedkartu». Machlary prydumali novuju schiemu padmanu praz telehram
Ad pravierki ličylnikaŭ da pajezdki ŭ Maskvu: jak Taćciana mižvoli stała kurjeram machlaroŭ — padrabiaznaja historyja
Biełarusy atrymlivajuć paviedamleńni ab praviercy bankaŭskaj kartki. Jany sapraŭdnyja?
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu33
Kamientary